தமிழ்நாடு முஸ்லிம் கல்வி இயக்கம் நடத்திய “நாளைய உலகம் நமதாகட்டும்” என்ற உயர்கல்வி வழிகாட்டுதல் நிகழ்ச்சி, தஞ்சை மாவட்டம் அதிராம்பட்டினத்தில், 26.06.2022 (ஞாயிற்றுக்கிழமை) மாலை நடைபெற்றது.

தமிழ்நாடு முஸ்லிம் கல்வி இயக்கத்தின் அதிராம்பட்டினம் பொறுப்பாளர் ஜனாப் N.முஹம்மது மாலிக் அவர்கள் அறிமுக உரை மற்றும் வரவேற்புரை நிகழ்த்தினார்கள்.

தமிழ்நாடு முஸ்லிம் கல்வி இயக்கத்தின் நிறுவனர், சகோதரர் CMN சலீம் அவர்கள், “முஸ்லிம்களின் கல்வி மேம்பாடு” என்ற தலைப்பில் சிறப்புரை நிகழ்த்தினார்கள்.

தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர், பேராசிரியர், V.R.அப்துர்ரஹ்மான்.,M.E.,M.A., அவர்கள், “என்ன படிக்கலாம்? எது நம் இலக்கு?” என்ற தலைப்பில் PowerPoint Presentation மூலம் வகுப்பு நடத்தினார்கள்.

அதன் பிறகு, கேள்வி பதில் நிகழ்ச்சியில் மாணவர்கள் மற்றும் பெற்றோர்களின் சந்தேகங்களுக்கு விளக்கம் அளிக்கப்பட்டது.

தமிழ்நாடு முஸ்லிம் கல்வி இயக்கத்தின் அதிராம்பட்டினம் பொறுப்பாளர் ஜனாப் N.முஹம்மது மாலிக் அவர்கள் நன்றியுரை வழங்கினார்கள். மேலும், இது போன்ற நிகழ்ச்சிகளை தொடர்ச்சியாக நடத்துவதன் அவசியத்தையும் குறிப்பிட்டார்கள்.

பல மாணவ மாணவியர்கள் இந்நிகழ்ச்சியில் கலந்து கொண்டார்கள். நிகழ்ச்சி மிகச்சிறப்பான முறையில் ஏற்பாடு செய்யப்பட்டிருந்தது.

அல்ஹம்துலில்லாஹ்.

மதுரை எகானமிக் சேம்பர் ( MEC) மற்றும் தமிழ்நாடு முஸ்லிம் கல்வி இயக்கம் இணைந்து நடத்திய ” நாளைய உலகம் நமதாகட்டும் ” உம்மத்திற்கான உயர்கல்வி இலக்கு பயிற்றுவிக்கும் நிகழ்ச்சி மதுரை வக்ஃபு வாரிய கல்லூரி வளாகத்தில் 19.06.22 ஞாயிறு காலை நடைபெற்றது.

துவக்கமாக கல்வியின் அவசியம் என்ற தலைப்பில் காணொளி காட்சி மூலம் ஜன்சேவா கூட்டுறவு கடன் சங்கத்தின் வட்டார செயலாளர் ஜனாப்.A.K.ஜமான் அவர்கள் உரை நிகழ்த்தினார்கள்.

அதைத் தொடர்ந்து தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர் பேரா.M.முஹம்மது இஸ்மாயில் M.E.,M.A.,LLB அவர்கள் என்ன படிக்கலாம் ? எது நம் இலக்கு ? என்ற தலைப்பில் PowerPoint Presentation மூலம் விரிவான வழிகாட்டுதல் வழங்கினார்கள்.

பின்னர் மாணவ மாணவிகளின் உயர்கல்வி சார்ந்த சந்தேகங்களுக்கு விரிவான விளக்கங்கள் தரப்பட்டது.

ஜமாத்தார்களும் மாணவ மாணவிகளும்

பெரும் திரளாக கலந்து கொண்ட இந்நிகழ்ச்சிக்கான ஏற்பாடுகளை Madurai Economic Chamber நிர்வாகிகள் மிகச் சிறப்பாக செய்திருந்தனர்.

A.L.I. சங்கம் நீடூர் நெய்வாசல் மற்றும் தமிழ்நாடு முஸ்லிம் கல்வி இயக்கம் இணைந்து நடத்திய ” நாளைய உலகம் நமதாகட்டும் ” உம்மத்திற்கான உயர்கல்வி வழிகாட்டுதல் நிகழ்ச்சி நீடூர் JMH நிக்காஹ் மஹாலில் 17.06.22 அன்று நடைபெற்றது.

நிகழ்ச்சியை துவக்கி வைத்த மிஸ்பாஹுல் ஹுதா அரபிக் கல்லூரியின் முதல்வர் கண்ணியம் நிறைந்த மௌலானா மௌலவி முஹம்மது இஸ்மாயில் ஹஜ்ரத் அவர்கள் துவக்கவுரை நிகழ்த்தினார்கள்.

அதைத் தொடர்ந்து கல்வியின் அவசியம் குறித்த மிகத்தெளிவான உரையை மிஸ்பாஹுல் ஹுதா அரபிக் கல்லூரியின் பேராசிரியர் கண்ணியமிகு மௌலானா மௌலவி H.அப்துர் ரஹ்மான் பாக்கவி ஹஜ்ரத் அவர்கள் நிகழ்த்தினார்கள்.

நிறைவுரையாக தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர் பேரா.M.முஹம்மது இஸ்மாயில் M.E.,M.A.,LLB அவர்கள் என்ன படிக்கலாம் ? எது நம் இலக்கு ? என்ற தலைப்பில் PowerPoint Presentation மூலம் விரிவான வழிகாட்டுதல் வழங்கினார்கள்.

நிகழ்வின் இறுதியில் மாணவ மாணவிகளின் உயர்கல்வி சார்ந்த சந்தேகங்களுக்கு விரிவான விளக்கங்கள் தரப்பட்டது.

ஜமாத்தார்களும் மாணவ மாணவிகளும்

பெரும் திரளாக கலந்து கொண்ட இந்நிகழ்ச்சிக்கான ஏற்பாடுகளை A.L.I. சங்க நிர்வாகிகள் மிகச் சிறப்பாக செய்திருந்தனர்.

12 ஆம் வகுப்பு மாணவர்களுக்கு தமிழ்நாடு முஸ்லிம் கல்வி இயக்கம் ஏற்பாடு செய்திருந்த 14 நாள் பயிலரங்கம் நிறைவுற்றது.

உயிரியல் துறையில் ஆராய்ச்சிப் படிப்பை மேற்கொண்டு உணவு உற்பத்தியில் சாதிப்பதும், அதிதீவிர நோய்களுக்கு மருந்து கண்டுபிடித்து உயிரினங்களை காப்பதும் தான் அறிவியல் பிரிவு மாணவர்களுக்கான இலக்கு.

இந்திய கல்வித் துறையிலும், சர்வதேச அளவில் பொதுக் கொள்கை (Public Policy) வகுப்பாளர்களாகவும், சட்டத் துறையின் சர்வதேச முன்னவர்களாகவும் உருவாது தான் கலைப்பிரிவு மாணவர்களுக்கான வாழ்நாள் இலக்கு.

முஸ்லிம் பிள்ளைகள் இனி வெறும் பட்டதாரிகளோ அல்லது மாதஊதிய பணியாளர்களோ அல்ல.அவர்கள் மனித குலத்தின் ஆகச்சிறந்த ஆராய்ச்சியாளர்கள்.

இந்த மாணவர்களை கல்லூரியில் சேர்த்து ஆராய்ச்சிப் படிப்பு வரை அவர்களுக்கு தொடர்ச்சியாக பயிற்சியளித்து வழிகாட்டும் பொறுப்பையும் தமிழ்நாடு முஸ்லிம் கல்வி இயக்கம் ஏற்றுள்ளது.

-‐————————————–

அட உன்னத்தான் நம்புறேன் நல்லவா

உன்னால மாறுதல் வந்திடும் அல்லவா.