மார்க்கல்வி கல்வி – உலக கல்வி இணைக்கப்பட்ட கல்வி முறைக்கு முஸ்லிம் சமூகம் மீண்டும் திரும்ப வேண்டும் என்ற கருத்தியலை கடந்த 20 ஆண்டு காலமாக தமிழகத்திலும் தமிழ்பேசும் முஸ்லிம்கள் வாழும் வெளிநாடுகளிலும் தொடர்ச்சியாக பரப்புரை செய்து வரும் சகோ.CMN சலீம் அவர்களால் 2009 இல் உருவாக்கப்பட்ட இயக்கம் தான் தமிழ்நாடு முஸ்லிம் கல்வி இயக்கம்.

இது முஸ்லிம் சமூகத்தின் நன்கொடைகளை பெற்று இயங்கி வரும் ஒரு தன்னார்வ கல்விச் சேவை நிறுவனம்.

தமிழ்நாடு முஸ்லிம் கல்வி இயக்கம் மாநில அமைப்புக்குழுவின் வழிகாட்டுதலில் இயங்கி வருகிறது.அதன் ஒருங்கிணைப்பாளராக சகோ.பைசல் அஹமது அவர்கள் பொறுப்பு வகிக்கிறார்.

கல்வி இயக்கத்தின் சார்பில் சமூக நீதிமுரசு என்ற மாத இதழ் கடந்த 13 ஆண்டுகளாக வெளிவந்து கொண்டிருக்கிறது. தொலைக்காட்சி நிகழ்ச்சிகள், கருத்தரங்கங்கள்,பயிற்சி முகாம்கள்,கல்வி மாநாடுகள்,உயர்கல்வி வழிகாட்டி நிகழ்ச்சிகள்,இஸ்லாமியப் பாடங்கள் இணைக்கப்பட்ட புதிய கல்வி நிறுவனங்களை உருவாக்குவதற்கான பயிற்சி முகாம்கள், அரசுப் பணிகளுக்கான பயிற்சி,போன்றவை தொடர்ச்சியாக நடத்தப்பட்டு வருகின்றன.

தமிழ்நாடு முஸ்லிம் கல்வி இயக்கத்தின் பயிற்சி மற்றும் வழிகாட்டுதலில் தமிழகத்தில் மார்க்கக் கல்வி இணைக்கப்பட்ட 40 நர்சரி & பிரைமரி பள்ளிக்கூடங்களும்,இரண்டு கலை அறிவியல் மகளிர் கல்லூரிகளும்,உலக கல்வி இணைக்கப்பட்ட நான்கு அரபு மதரஸாக்களும் நடைபெற்று வருகின்றன.

மார்க்கம் படித்த ஆலிம்களை மத்திய மாநில அரசுப் பணிகளுக்கு உருவாக்கும் இலக்கோடு பாண்டிச்சேரியில் கட்டப்பட்டு வரும் பைத்துல் ஹிக்மா வளாகத்தில் தற்போது ஜாமியத்துல் ஹிக்மா அரபிக் கல்லூரி 2008 முதல் இயங்கி வருகிறது.

இன்ஷா அல்லாஹ்….2011 கல்வியாண்டு முதல் MAHATMA GANDHI SCHOOL OF CIVIL SERVICE என்ற IAS அகாடமி துவங்கப்பட உள்ளது.