Admin – Page 11

Educational Awareness

முஸ்லிம்களும் -புதிய கல்விக் கொள்கையும் – 2

புதிய கல்வி கொள்கை (NEP 2020) நடைமுறைப் படுத்தப்படும் நிலையில் முஸ்லிம்கள் தங்களது பாரம்பரிய கல்வி முறையை நிலைநிறுத்திக் கொண்டு அதனூடாக சமூகத்தை அனைத்து நிலைகளிலும் அதிகாரப்படுத்திக் கொள்வதற்கான வாய்ப்புகளைத் தான் இந்தத் தொடரில் ஆராய உள்ளோம்.

புதிய கல்வி கொள்கையின் பகுதி – 1 இல் கொடுக்கப்பட்டுள்ள ஆரம்பகால குழந்தைப்பருவ பராமரிப்பு மற்றும் கல்வி (ECCE – Early Childhood Care and Education) பிள்ளைகளின் கல்வி காலம் 3 வயதிலிருந்து துவங்குகிறது என்று வகைப்படுத்தி யுள்ளனர்.1986 இல் ராஜிவ் காந்தி காலத்தில் வெளியிடப்பட்ட முந்தைய கல்வி கொள்கையில் இது 6 வயதாக குறிப்பிடப்பட்டிருந்தது.

பிஞ்சு பருவத்திலேயே தாயிடமிருந்து பிள்ளைகளை பிரிப்பது,கல்வியின் முதன்மை இலக்கு பொருளீட்டுவது என்ற முதலாளித்துவ கொள்கையின் கீழை நாடுகளுக்கான கல்வித் திட்டம் தான் 3 வயதில் பள்ளிகளில் சேர்க்க வேண்டும் என்ற திட்டம்.இன்றும் பல ஐரோப்பிய நாடுகளில் பள்ளி சேர்க்கைக்கான வயதை 6 ஆகத்தான் வைத்துள்ளார்கள். அதை சரியானதாகவும் பிள்ளைகளுக்கு பாதுகாப்பானதாகவும் கருதுகின்றனர்.

ஆரம்பகால குழந்தைப்பருவ பராமரிப்பு மற்றும் கல்வி ((ECCE) குறித்த புதிய கல்வி கொள்கையின் பார்வை எப்படி இருக்கிறது இதில் முஸ்லிம்களின் பார்வை எப்படி இருக்க வேண்டும் என்பதை கொள்கை அளவில் வேறுபடுத்தி வரையறை செய்து கொண்டால் ஆரம்பக்கல்வியை முஸ்லிம் சமூகம் எப்படி அணுகவேண்டும் என்பது தெளிவாகி விடும்.

அதற்கு அடிப்படையாக ” இஸ்லாமிய கல்விக் கொள்கை” குறித்த ஆழமான புரிதலை வளர்த்துக் கொள்வது சிறப்பாக இருக்கும்.உலகில் டிஜிட்டல் தொழில்நுட்பம் ஆதிக்கம் செலுத்திய முந்தைய காலத்திலும் சரி செயற்கை நுண்ணறிவு (Artificial Intelligence) வீறுகொண்டு எழும் இன்றைய காலத்திலும் சரி நவீன காலங்களுக்கேற்ற ஒரு இஸ்லாமிய கல்விக் கொள்கையை தயாரிப்பதற்கான சோதனை முயற்சி கூட இதுவரை சமூகத்தில் துவங்கப்படவில்லை.

இது குறித்து சென்ற நூற்றாண்டில் முஸ்லிம் சமூகத்தின் இஸ்லாமிய சிந்தனைகளுக்கு புத்துயிர் ஊட்டிய புரட்சியாளர் மௌலானா மவுதூதி அவர்கள் ஆற்றிய உரைகளையும் வெளிப்படுத்திய கவலைகளையும் வசதியாக மறந்து போனோம்.

(The Education – by Moulana Moududi)

அறிவுத் துறையின் வளத்தை கொண்டு ஆயிரம் ஆண்டுகள் உலகையும் அறநூறு ஆண்டுகள் இந்திய துணைக் கண்டத்தையும் ஆட்சி செய்த முஸ்லிம் சமூகத்தின் இன்றைய பின்தங்கிய நிலைக்கு அறிவுத்துறையை உயிரோட்டமாக பாதுகாக்காத அலட்சிய வாழ்வும் அடிப்படையான காரணங்களில் ஒன்று.

இஸ்லாமிய கல்விக் கொள்கை எப்படி இருக்கும் என்பதை எனது சிறிய அறிவைக் கொண்டு ஒரு குறிப்பை இங்கே வழங்கிட முயற்சிக்கின்றேன்.இது குறித்து கூடுதல் ஞானமுடைய உலமாக்கள் கல்வியாளர்கள் குறிப்பாக பெண் கல்வியாளர்கள் இதில் சேர்க்க வேண்டியதையும் நீக்க வேண்டியதையும் சுட்டிக்காட்டினால் அதனடிப்படையில் ஒரு வரைவு அறிக்கையை இன்ஷா அல்லாஹ் தயாரித்து விடலாம்.

ஆரம்பகால பிள்ளைகளுக்கான கல்வி என்பது பெண் கருவுறும் காலத்திலேயே துவங்கிவிடுகிறது என்பது தான் அறிவியல் மார்க்கமான இஸ்லாத்தின் கல்வி கொள்கை.

தொடரும்……

————————————————————–

இரண்டாம் பாடத்தில் நாம் கற்று கொள்வது :

1.) இஸ்லாமிய கல்வி கொள்கை வகுக்கும் முயற்சிகள் துவங்கப்பட வேண்டும்.

2.) ஆரம்பகால கல்வி என்பது தாய் கருவுறும் காலத்திலேயே துவங்குகிறது என்பது இஸ்லாத்தின் நிலைப்பாடு.

Admin November 17, 2020 0

Educational Awareness

முஸ்லிம்களும் -புதிய கல்விக் கொள்கையும் -1

மத்திய அரசு அறிமுகம் செய்துள்ள புதிய கல்வி கொள்கை (NEP 2020) குறித்த வாதப் பிரதிவாதங்கள் ஒருபக்கம் நடந்து கொண்டிருக்கும் போதே மறைமுகமாக பல வடிவங்களிலும் அதை நடைமுறைப்படுத்தும் வேலைகள் தொடர்ச்சியாக நடக்கின்றன.கல்வியை காவி மயமாக்கும் வேலையை இவர்கள் முதன் முதலாக ஆட்சிக்கு வந்து உடனேயே துவங்கிவிட்டார்கள். இன்றைய NCERT பாடத்திட்டங்களில் இதை வெளிப்படையாக காணலாம். 2023 கல்வியாண்டு முதல் முழுமையாக நடைமுறைக்கும் வரும் என்று அறிவித்துள்ளனர்.

புதிய கல்வி கொள்கையில் பிற்படுத்தப்பட்டவர்கள் ஒடுக்கப்பட்டவர்கள் மற்றும் மதச் சிறுபான்மையினர் உள்ளிட்ட நாட்டில் வாழும் பெரும்பான்மை மக்களுக்கு இருப்பது போன்ற தடைகளும் சூழ்ச்சிகளும் மதச் சிறுபான்மையில் பெரும்பான்மை எண்ணிக்கையுடைய முஸ்லிம் சமூகத்திற்கும் இருக்கின்றன என்ற கருத்தை மீண்டும் இங்கே பதிவு செய்து அதற்கான தீர்வுகளை அலசுவோம்.

” முஸ்லிம் சமூகத்திற்கும் தடைகள் உள்ளன ” என்று பிரித்து அடையாளப்படுத்துவதற்கு காரணம் முஸ்லிம்களின் கல்விச்சிக்கலும் அதற்கான தீர்வுகளும் மற்ற சமூகங்களின் கல்விச்சிக்கலும் அதற்கான தீர்வுகளும் ஒன்றல்ல என்பதை நம் மனதின் அடித்தளத்தில் பதிய வைத்துக்கொள்ள வேண்டும்.

பசி பஞ்சம் ஊழல் வறுமை ஏழ்மை சமூகப் பாதுகாப்பின்மை போன்ற நெருக்கடிகள் சீரழிவுகள் முஸ்லிம்கள் உள்ளிட்ட இந்த உலகில் வாழும் மனிதர்கள் அனைவருக்கும் பொதுவானது. ஆனால் இறையியல் கலாச்சாரம் குடும்பவியல் போன்ற பல சிறப்பு இயல்புகள் உள்ளடங்கிய முஸ்லிம்களின் தனிச்சட்டங்கள் மற்றவர்களிடமிருந்து முற்றிலும் மாறுபட்டவை என்பதை நாம் அறிந்துள்ளோம்.

முஸ்லிம்களின் இம்மை மறுமை வாழ்விற்கு அடித்தளமிடும் இஸ்லாமிய இறையியலை, தனிச்சட்டங்களை, தலைமுறை தலைமுறைக்கும் கடத்தும் மூலவேரான முஸ்லிம்களின் கல்வி முறை மற்ற சித்தாந்த வாதிகளிடமிருந்து கொள்கை அளவிலும் கற்பிக்கும் முறைகளிலும் அடைய வேண்டிய இலக்கிலும் அடிப்படையிலேயே பல வேறுபாடுகள் உள்ளன என்ற புரிதல் நம்மிடம் ஆழமாக பதிய வேண்டும்.

உலகம் அழிகின்ற காலம் வரை அனைத்திலும் நிறைவான செறிவான நீதியான சட்டங்களை வழிமுறைகளை கற்றுத்தரும் குணம் தான் இஸ்லாமிய கல்வியின் தனிச்சிறப்பு.

அடிப்படையான இந்த கருத்தியல் பின்புலத்தில் இந்திய முஸ்லிம்களின் கல்வி சிக்கலை புரிந்து கொள்வதற்கு அதற்கான தீர்வுகளை முன்வைப்பதற்கு முன்பு இஸ்லாமிய கல்வி கொள்கையையும் இந்திய முஸ்லிம்களின் கல்வி வரலாற்றையும் மிக ஆழமாக புரிந்து கொள்வது அறிவுடைய சமூகத்திற்கு சிறப்பு சேர்க்கும்.

இந்த முதல் பாடத்தில் நாம் கற்றுக்கொள்வது :

——————————————————————————–

1.) முஸ்லிம் சமூகத்தின் கல்விச் சிக்கலும் மற்ற சமூகத்தவரின் கல்விச்சிக்கலும் ஒன்றல்ல.

2.) முஸ்லிம் சமூகத்தின் கல்விச் சிக்கலுக்கான தீர்வை முஸ்லிம்களின் வரலாற்றிலிருந்து முன்வைக்க வேண்டும்

Admin November 17, 2020 0

முஸ்லிம்களும் -புதிய கல்விக் கொள்கையும் – 2

முஸ்லிம்களும் -புதிய கல்விக் கொள்கையும் -1

Tamilnadu Muslim Kalvi Iyakkam

QUICK ACCESS

About Us

Articles

Gallery

Events

career counselling

Map