திருவள்ளூர் மாவட்டத்திலுள்ள 163 ஜமாஅத் நிர்வாகம் மற்றும் உலமாக்கள் கூடிய அனைத்து ஜமாஅத் ஒருங்கிணைப்பு கமிட்டியின் கூட்டம் தமிழக ஆந்திர எல்லையில் அமைந்துள்ள ஆரம்பாக்கத்தில் நடைபெற்றது.

எனது உரையின் சிறு பகுதி :

” முஸ்லிம்களின் நிலையை மாற்றி அமைத்திடும் நீண்டகால செயல்திட்டங்கள் தான் இன்றையத் தேவை.

ஒவ்வொரு முஹல்லாவிலிருந்தும் இந்த ஆண்டு 12 ஆம் வகுப்பு தேர்வெழுதும் ஒரு 10 மாணவர்களை தேர்ந்தெடுத்து மாவட்ட ஜமாஅத் ஒருங்கிணைப்பு கமிட்டியிடம் ஒப்படையுங்கள்.

அவர்களை கல்லூரியில் சேர்த்து தொடர்ச்சியாக பயிற்சியளித்து உருவாக்கும் பொறுப்பை நாங்கள் ஏற்றுக்கொள்கிறோம்.

இன்ஷா அல்லாஹ் அடுத்த 5 ஆண்டுகளில் 163 முஹல்லாவின் சுமார் 1500 மாணவர்களில் பலர் அறிவியல் உயிரியல் துறை இளம் ஆராய்ச்சியாளர்களாக வீரியமான வழக்கறிஞர்களாக IAS IPS தேர்வெழுதுபவர்களாக உருவாகி வந்து உங்கள்முன் நிற்பார்கள்.

தளர்ந்து விடாமல் இந்த செயல் திட்டத்தை தொடர்ச்சியாக நடைமுறைப்படுத்தினால் ஐந்தே ஆண்டுகளில் மகத்தான மாற்றங்களை காண்பீர்கள்.

உங்கள் முஹல்லாவாசிகளின் வாழ்க்கை நிலை மேம்படும். ஜக்காத் ஸதக்கா கொடுக்கக் கூடியவர்கள் எண்ணிக்கை அதிகரிக்கும். அவர்களின் சந்ததிகள் யாரும் வறுமையில் சிக்க மாட்டார்கள்.

நமது கவலைகளும் புலம்பல்களும் மட்டுமே சமுதாயத்தின் நிலையை மாற்றி அமைத்து விடாது.

நல்ல நிய்யத்துடன் முன்னெடுக்கப்படும் சமுதாயப் பணிகள் ஏற்றஇறக்கங்களை சந்திக்குமே தவிர ஒருபோதும் தோல்வியடையது “

– CMN SALEEM

இஸ்லாமியப் பள்ளிகள் துவங்குவதற்கான மூன்றுநாள் பயிலரங்கம் சிறப்பாக நடந்து முடிந்தது. அல்ஹம்துலில்லாஹ்.

அன்னை கதீஜா கலை அறிவியல் மகளிர் கல்லூரியின் ஆலிமா பட்டதாரி இறுதியாண்டு மாணவிகளுக்கு ஆண்டுதோறும் நடைபெறும் இந்த பயிலரங்கில் கல்வி நிறுவனம் துவங்கும் ஆர்வமுள்ள பலரும் கலந்து கொண்டனர்.

தமிழக முஸ்லிம்களின் ஆரம்பக்கல்வி முதல் ஆய்வுக்கல்வி வரை இஸ்லாமியப் பாடங்கள் இணைக்கப்பட வேண்டும்.

இரண்டு கல்வியிலும் பட்டம் பெற்ற ஆயிரக்கணக்கான பெண் கல்வியாளர்கள் உருவாக்கப்பட வேண்டும்.

முஸ்லிம்களால் நடத்தப்படும் பள்ளி கல்லூரிகளில் (முஸ்லிம்களுக்கு) இஸ்லாமியப் பாடங்கள் இணைக்கப்பட வேண்டும்.

இஸ்லாமியப் பள்ளிக்கூடம் இல்லாத முஹல்லாக்களில் புதிய நர்சரி பிரைமரி பள்ளிக்கூடங்கள் துவங்கப்பட வேண்டும்.

மார்க்கக் கல்வி பயிலும் ஆலிம்களை பள்ளி கல்லூரிகளின் ஆசிரியர் பேராசிரியர்களாக உருவாக்கும் இலக்குடன் இரண்டு கல்வியும் இணைக்கப்பட்ட அரபு மதரஸாக்கள் துவங்கப்பட வேண்டும்.

இந்த இலக்கை நோக்கிய செயல்திட்டங்கள் தான் இந்த மூன்றுநாள் பயிலரங்கின் கற்கை நெறிகளாக அமைக்கப்பட்டிருந்தன.

முஸ்லிம் பெண்கள் கல்வியாளர்களாக கல்வித்துறை ஆளுமைகளாக உருவாக வேண்டும் என்ற சிந்தனையை தமிழ்நாடு முஸ்லிம் கல்வி இயக்கம் கடந்த கால் நூற்றாண்டு காலமாக விதைத்து வருகிறது.

உம்மத்தின் பெண்களிடம் மகத்தான மாற்றங்கள் ஏற்பட்டு வருவதை கண்கூடாக பார்க்க முடிகிறது.

ஒரு இஸ்லாமிய நர்சரி பிரைமரி பள்ளியை துவங்கி நடத்திட தேவையான அனைத்துப் பயிற்சிகளையும் அளிக்கும் இந்த மூன்றுநாள் பயிலரங்கம் 13 ஆவது ஆண்டாக இன்ஷா அல்லாஹ் வருகின்ற வெள்ளிக் கிழமை துவங்குகிறது.

அன்னை கதீஜா கலை அறிவியல் மகளிர் கல்லூரியின் இறுதியாண்டு ஆலிமா பட்டதாரி மாணவிகளுக்கு நடத்தப்படும் இந்த பயிலரங்கில்,கல்வி நிறுவனம் துவங்கும் ஆர்வமுடைய அனைவரும் கலந்து கொள்ளலாம்.

குறிப்பாக Montessori, Play School போன்று சிறிய பள்ளிகள் துவங்கும் எண்ணத்தில் இருக்கும் ஆலிமாக்கள் மற்றும் பட்டதாரி பெண்களுக்கு இந்த பயிலரங்கம் ஒரு அருமையான வாய்ப்பு.

கலந்துகொள்ளும் அனைவருக்கும் சான்றிதழ் வழங்கப்படும்.

முன்பதிவு கட்டாயம்.

இன்றைய முஸ்லிம் சமூகத்தி்ன் பொருளாதார வளர்ச்சிக்கு இஸ்லாமிய நிதியியல் (Islamic Finance) படிப்பும் அதில் ஆராய்ச்சியும் மிகவும் அவசியமாக இருக்கிறது. இந்த படிப்பு தமிழக பல்கலைக்கழகங்களில் இல்லை.

அரபுநாடுகள் மலேசியா இந்தோனேசியா அமெரிக்க ஐரோப்பிய நாடுகளில் ஏராளமானவர்கள் இஸ்லாமிய நிதியியல் துறையில் பட்டம் பெற்று ஆராய்ச்சிப் படிப்பை முன்னெடுத்து வருகின்றனர்.

இந்திய மற்றும் பன்னாட்டு நிறுவனங்களுக்கு ஹலால் முதலீடுகள் மற்றும் பங்கு வர்த்தகம் குறித்த ஆலோசனைகளை அவர்கள் தான் வழங்குகின்றனர்.

இந்திய பங்குச்சந்தையில் பட்டியலிடப்பட்டுள்ள 54 % நிறுவனங்கள் ஹலால் பங்குகளை வழங்குகின்றன.

ஹலால் பங்குகளில் உள்நாட்டு வெளிநாட்டு முஸ்லிம்களின் முதலீடுகள் அதிகரிக்கிறது என்பதாற்காக பல இந்திய நிறுவனங்கள் தங்களது தொழில் முறைகளை ஷரிஆ ஆலோசனை வட்டத்துக்குள் கொண்டு வந்துள்ளன.

தமிழ்நாடு முஸ்லிம் கல்வி இயக்கம் ஏற்பாடு செய்துள்ள இந்த ஒருநாள் பயிலரங்கம் இஸ்லாமிய நிதியியல் மற்றும் இந்திய சவூதி ஹலால் பங்குச்சந்தை குறித்த அடிப்படையான புரிதலை வழங்கும்.

முன்பதிவு செய்வதற்கு நாளை கடைசிநாள்.

முன்பதிவுக்கு : 97892 34073

பெற்றோர்களே…

பள்ளி கல்லூரிப் பாடங்கள் உங்கள் பிள்ளைகளுக்கு தகவல்களை கொடுக்கும்.

சமூகநீதி முரசு மாதஇதழ் அவர்களுக்கு உயர்கல்வி மற்றும் ஆராய்ச்சி ரீதியாக பயணிக்க வேண்டிய திசையை காட்டி பயிற்சியும் அளிக்கும்.

உம்மத்தின் அடுத்த தலைமுறையை ஆளுமைமிக்க அதிகாரமிக்க தலைமுறையாக்கும் இலக்குடன் பயணிக்கும் தமிழ்நாடு முஸ்லிம் கல்வி இயக்கத்தின் மாதஇதழ்.

முஸ்லிம் உம்மத்தின் கல்வி மற்றும் வரலாறு சார்ந்த அனைத்து உண்மைகளும் உங்கள் வீடு தேடிவர இன்றே சந்தா செலுத்துங்கள்.

– CMN SALEEM

ஈரோடு மாவட்ட முஸ்லிம் அசோசியேசன் சார்பில் மீலாது விழா மற்றும் சிந்தனையாளர் பழ.கருப்பையா அவர்கள் எழுதிய “அல்லா வடிவமைத்த அழகிய சமூகம்” என்ற நூல் வெளியீட்டு விழாவும் சிறப்பாக நடைபெ‌ற்றது.

ஈரோடு மக்கள் சிந்தனைப் பேரவையின் தலைவர் த.ஸ்டாலின் குணசேகரன் அவர்களுடன் நானும் சிறப்பு அழைப்பாளர்களாக கலந்து கொண்டோம்.

ஈரோட்டின் உலமாக்கள் சமுதாயப் புரவலர்கள் சமுதாய அமைப்புகளின் பொறுப்பாளர்கள் உள்ளிட்ட ஏராளமானோர் இந்நிகழ்வில் கலந்து கொண்டு அண்ணன் பழ.கருப்பையா அவர்களின் முயற்சியை கண்ணியப்படுத்தினர்.

பெருமானார் (ஸல்) அவர்கள் குறித்தும் இஸ்லாமிய நாகரிகம் குறித்தும் முஸ்லிம் அல்லாத அறிஞர்களின் ஆக்கங்கள் பேச்சுக்கள் வெளிவந்து கொண்டே இருக்க வேண்டும். அதை ஊக்குவிக்கும் விதமாக இந்த விழா சிறப்பாக ஏற்பாடு செய்யப்பட்டிருந்தது.

இஸ்லாம் குறித்தும் முஸ்லிம்களின் வாழ்வியல் குறித்தும் எழுதப்படும் ஆய்வு நூல்களின் வழியாகத் தான் பிற சமுதாய அறிஞர்களிடம் அரசியல் தலைவர்களிடம் அரசு அதிகாரிகளிடம் ஒரு நல்ல புரிதலை ஏற்படுத்த முடியும்.

இலக்கிய விழாக்கள் குறைந்தால் எதிர்ப்பும் வெறுப்பும் மக்களிடம் அதிகரிக்கும். வாசிப்பு குறைந்த போனால் மக்களிடம் அடிமைத்தனம் அதிகரிக்கும்.

உலகக்கோப்பை கால்பந்தாட்ட போட்டி 2034 இல் சவூதி அரேபியாவில் நடைபெற உள்ளது.இந்த வாய்ப்பை பெருமைமிக்கதாக கருதும் சவூதி அரசாங்கம் 21 ஆம் நூற்றாண்டின் மிகப்பெரிய நிகழ்வாக இதை நடத்திக் காட்ட வேண்டும் என்ற சூளுரையுடன் ஏற்பாடுகளை துவங்கியுள்ளனர்.

அடுத்த பத்தாவது ஆண்டில் நடைபெற உள்ள இந்த உலகத் திருவிழாவுக்கான கட்டமைப்புப்பணிகள் நடைபெற்று வருகின்றன.

ஏற்கனவே உள்ள 15 கால்பந்தாட்ட மைதானங்களின் புனரமைப்புப் பணிகள் துவங்கப்பட்டு புதிதாக 11 உலகத்தரமான மைதானங்களும் கட்டப்படவுள்ளன.

ரியாத், ஜித்தா,அபஹா,கோபர், நியோம் ஆகிய நகரங்களில் 48 நாடுகள் பங்கேற்கும் 104 போட்டிகள் நடைபெற உள்ளன.

2022 இல் கத்தார் நாடு சுமார் ரூ.20 இலட்சம் கோடி செலவிட்டதாக தகவல்கள் கூறுகின்றன.நிச்சயமாக அதைவிட கூடுதலாகத் தான் சவூதி அரசாங்கம் செலவு செய்யும்.

கட்டுமானம்,பொறியாளர்கள்,வடிவமைப்பாளர்கள், தகவல் தொழில்நுட்பம், ரியல் எஸ்டேட், தனியார் தங்குமிடங்கள்,கஃபே, உணவகம்,போக்குவரத்து, பாலைவன பயணங்கள் உள்ளிட்ட எண்ணற்ற துறைகளில் ஏராளமான தொழில் வாய்ப்புகள் உருவாகி வருகின்றன.

குறிப்பாக MSME என்ற சிறு குறு நடுத்தர வகை தொழில்களில் கணிக்க இயலாத வாய்ப்புகள் உருவாகியுள்ளன.

இந்த சந்தர்ப்பத்தை திறமையானவர்கள் துணிச்சலாக முடிவெடுப்பவர்கள் தளராத உழைப்பாளிகள் தொழில் சாம்ராஜ்யங்களை கட்டமைக்கும் வேட்கையுடையவர்கள் மிகச்சரியாக பயன்படுத்திக் கொள்வார்கள்.

அதேநேரம் எந்தெந்த துறைகளில் நமக்கான தொழில் முதலீட்டு வாய்ப்புகள் உருவாகி வருகிறது என்பதை வல்லுநர்கள் மூலம் கண்டறிந்து அந்த துறைசார்ந்தவர்களுக்கு பயிற்றுவிக்கும் வேலைகளை முஸ்லிம் சமுதாய அமைப்புகள் முன்னெடுக்க வேண்டும்.

சமுதாய அமைப்புகள் அடுத்த பத்தாண்டுகளுக்கு இதையே முழு ஈடுபாட்டுடன் செய்தால் சவூதியில் வாழும் தமிழக முஸ்லிம்களிலிருந்து மிகச்சிறந்த தொழில் ஆளுமைகள் உருவாகி வருவார்கள்.

எதிர்காலத்தில் அவர்கள் அரபுலக ஆட்சியாளர்களுடன் இணைந்து தொழில் செய்யும் சூழல் உருவாகலாம்.

சிந்தனை மாற்றமே சமூக மாற்றம்.

-CMN SALEEM