அல்ஹம்துலில்லாஹ்… பல்லாவரம் வட்டார மஹல்லா ஜமாத் கூட்டமைப்பு மற்றும் தமிழ்நாடு முஸ்லிம் கல்வி இயக்கம் இணைந்து நடத்திய ” முஸ்லிம் விஞ்ஞானி -2040″ நிகழ்ச்சி பல்லாவரம் ஜமால் பேலஸ் அரங்கில் நேற்று (04.10.22) நடைபெற்றது.

பல்லாவரம் தாருல் ஹுப்பால் ஹுசைனிய்யா அரபுக் கல்லூரியின் முதல்வர் மௌலவி ஆதம் ஸபியுல்லாஹ் இல்ஹாமி அவர்களின் வரவேற்புரையுடன் துவங்கிய இந்நிகழ்வில்,

துவக்கமாக தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர் பேரா.M.முஹம்மது இஸ்மாயில் M.E.,LLB., அவர்கள் ஆய்வுக் கல்வியின் அவசியம் குறித்தும் , அடுத்த 20 ஆண்டுகளில் முஸ்லிம் சமூகத்தில் ஆய்வாளர்களும் விஞ்ஞானிகளும் உருவாக வேண்டியதன் முக்கியத்துவம் குறித்து விரிவாக விளக்கினார்கள்.

அதைத் தொடர்ந்து தமிழ்நாடு முஸ்லிம் கல்வி இயக்கத்தின் உயிரியல் பிரிவு ஆலோசகர் பேரா.அப்துல் பாசித் M.Sc (Ph.D) அவர்கள் உயிரியல் துறையில் (Life Science ) ஆய்வுக் கல்விக்கான வாய்ப்புகள் குறித்து PowerPoint மூலம் வகுப்பெடுத்தார்கள்.

இறுதியாக தொழில் நுட்பத் துறையில் (Technology) அடுத்த 20 ஆண்டுகளில் ஏற்படப் போகும் மாற்றங்கள் குறித்தும் அதில் நாம் பங்கெடுக்க வேண்டியதன் அவசியம் குறித்தும் தமிழ்நாடு முஸ்லிம் கல்வி இயக்கத்தின் அறிவியல் தொழில்நுட்பத் துறை ஆராய்ச்சியாளர் சகோ.R.முஹம்மது அனஸ் B.E.,B.Sc .,அவர்கள் விரிவாக விளக்கினார்கள்.

நிகழ்வின் இறுதியில் ஆய்வுக் கல்வி குறித்த மாணவ மாணவிகளின் சந்தேகங்களுக்கு பதிலளிக்கப்பட்டது.

நிகழ்விற்கான ஏற்பாடுகளை பல்லாவரம் வட்டார மஹல்லா ஜமாத் கூட்டமைப்பின் நிர்வாகிகள் மிகச் சிறப்பாக செய்திருந்தினர்.

இன்றைய உலகில்,தொழில் ஈடுபாடும் தேடலும் உள்ள ஒரு மனிதனால் தன் தொழில் வளர்ச்சிக்கான அறிவையும் வழிகாட்டுதலையும் மிக எளிதாக பெற்றுக் கொள்வதற்கு ஏராளமான வாய்ப்புகள் இருக்கிறது.

ஆனால் அறிவைக் காட்டிலும் அவனது குணமும் அணுகுமுறையும் தொலைநோக்கு இலக்கும் தான் தொழில் வெற்றிக்கான அடிப்படை காரணிகளாக இருக்கின்றன.

வணிக சாம்ராஜ்யம் என்ற தலைப்பில் உம்மத்தில் படித்த இளைஞர்கள் மற்றும் இளம் தொழில்முனைவோருக்கு இஸ்லாமிய வணிக உளவியல் மற்றும் இலாபகரமான நவீன உற்பத்தி தொழில்கள் குறித்தும் பயிற்சியளிக்கும் இரண்டு நாள் பயிலரங்கம் பைத்துல் ஹிக்மா வளாகத்தில் நடைபெற்றது.

உற்பத்தி (Manufacturing) சார்ந்த வணிக சாம்ராஜ்யம் என்பதே இளம் தொழில்முனைவோரின் இலக்கு என்ற கருத்து ஆழமாக விதைக்கப்பட்டது.

வணிக சாம்ராஜ்யங்களை கட்டமைக்கும் செயல் திட்டத்தை இஸ்லாமிய அறிவு மரபில் பயிற்றுவிக்கும் இரண்டுநாள் பயிலரங்கம் பைத்துல் ஹிக்மாவில் செப்.17,18 ஆகிய தேதிகளில் நடைபெற உள்ளது.

பொருள் வாங்கி விற்கும் வியாபார முறைகள் நாளுக்கு நாள் நலிவடைந்து வருகின்றன.உற்பத்தித் தொழில் (Manufacturing), ஆன்லைன் வர்த்தகம் (E-commerce),ஏற்றுமதி உள்ளிட்டவை பெரும்பொருளீட்டும் தொழில்களாக வளர்ச்சியடைந்து வருகின்றன.

மிகச்சிறப்பாக இயங்கும் முஸ்லிம்களின் மரபு வியாபார நிறுவனங்கள் ஒரு தலைமுறையைத் தாண்டி நிற்பது அரிதாகி விட்டது. ஆனால் பல தலைமுறைகளைத் தாண்டி நிற்கும் உற்பத்தி சார்ந்த குடும்பத் தொழில்கள் நம் கண்முன் கம்பீரமாக காட்சியளிக்கின்றன.

வணிக சாம்ராஜ்யங்களை கட்டமைக்கும் இஸ்லாமிய வணிக உளவியலையும்,அதிக பரக்கத்தை குவிக்கும் உற்பத்தி சார்ந்த புதிய தொழில்களையும்,முத்திரை (Brand) உருவாக்கும் நுட்பத்தையும்,தொழில் நிறுவனங்களுக்கான அரசின் உதவிகளையும் இந்த இரண்டு நாள் பயிலரங்கில் கற்றுக்கொள்ளலாம்.

மேலும் திறமையான தொழில் பயிற்சியாளராக (Business Coach) உருவாகி உம்மத்துக்கு வழிகாட்டும் வேட்கையுடைய ஆலிம்களையும் பட்டதாரிகளையும் இந்த பயிலரங்கில் கலந்துகொள்ள வேண்டுகிறோம்.

சேலம் நூருல் இஸ்லாம் அரபுக்கல்லூரி அரங்கத்தில் 21- 8 – 2022 அன்று வணிக மேம்பாட்டுப் பயிலரங்கம் நடைபெற்றது.

நூருல் இஸ்லாம் அரபுக் கல்லூரியின் முதல்வர் மெளலவி முஹம்மது யஹ்யா தாவூதி ஹஸ்ரத் அவர்கள் செல்வம் பெருக்கும் இபாதத் குறித்தும் இலாபத்திற்கும் – பரக்கத்துக்கும் உள்ள வேறுபாடுகள் குறித்தும் மிக நேர்த்தியான வகுப்பை நடத்தினார்கள்.

தலைமுறைகளைத் தாண்டிய வணிக சாம்ராஜ்யங்களை உருவாக்கும் உளவியல் காரணிகள் என்ற தலைப்பில் எனது வகுப்பு அமைந்திருந்தது.

உழைப்பிலும் வணிகத் திறனிலும் நேர்மையிலும் தமிழக முஸ்லிம்கள் பிறரை காட்டிலும் முதன்மையாக இருக்கிறோம் என்பதில் மாற்றமில்லை.

ஆனால் வணிக அணுகுமுறைகளிலும் (Business Attitude) இலக்கை (Vision) நிர்ணயிப்பதிலும் நாம் பலவீனத்துடன் காணப்படுகிறோம்.

இளைஞர்களின் உளவியல் தகுதிகளை வளப்படுத்தினால் இன்ஷா அல்லாஹ் முஸ்லிம்கள் பொருளாதார வல்லமைமிக்க சமூகமாக அதிகாரம் செலுத்துவார்கள்.

இடர்பாடுகளை எதிர்கொண்டு உம்மத்தை அந்த உயரத்திற்கு உயர்த்த வேண்டிய பெருங்கடமை சமூக ஊழியர்களுக்கு இருக்கிறது

தமிழ்நாடு முஸ்லிம் கல்வி இயக்கம் ஏற்பாடு செய்திருந்த சட்டக்கல்லூரி மாணவர்கள் மற்றும் இளம் வழக்கறிஞர்களுக்கான இரண்டு நாள் பயிலரங்கம் பைத்துல் ஹிக்மா வளாகத்தில் நடைபெற்றது.

என்னுடைய வகுப்புடன்….

மேனாள் நீதிபதி ஜியாவுதீன்

மௌலவி முஹம்மது மீரான் தாவூதி

வழக்கறிஞர் பா.ப.மோகன்

வழக்கறிஞர் ராஜிவ்காந்தி

வழக்கறிஞர் வெற்றிச்செல்வன்

வழக்கறிஞர் ஆசிக்

வழக்கறிஞர் முஹம்மது சாஜித் நத்வி

ஆகியோர் வகுப்பெடுத்தனர்.

சாதாரண வழக்கறிஞர் என்ற தகுதியோடு நின்றுவிடாமல் சர்வதேச வழக்கறிஞர் அல்லது சட்டத்துறை ஆராய்ச்சியாளர் என்ற உயர்தகுதியை மாணவர்களுக்கான வாழ்நாள் இலக்காக நிர்ணயிக்கப்பட்டது.

இவர்களுக்கு தொடர்ச்சியாக பயிற்சியளிக்கும் பொறுப்பினையும் இவர்களின் மேற்படிப்புக்கான அனைத்து பொறுப்பினையும் தமிழ்நாடு முஸ்லிம் கல்வி இயக்கம் ஏற்றுள்ளது.

அன்னை கதீஜா கலை அறிவியல் மகளிர் கல்லூரியின் இஸ்லாமியத் துறை சார்பில் இஸ்லாமியப் பள்ளிக்கூடங்களின் ஆசிரியைகளுக்கான திறன் மேம்பாட்டு பயிலரங்கம் ஜூலை 18 -23 வரை 6 நாட்கள் நடைபெற உள்ளது.

இஸ்லாமிய கற்பித்தல் கலை (art of TEACHING in ISLAM) என்ற தலைப்பில் நடைபெறும் இப்பயிலரங்கத்தில்

கற்றல் – கற்பித்தல் வேறுபாடுகள்

அரபுமொழி பயிற்றுவிப்பில் நவீனம்

இஸ்லாமிய மரபில் கற்பித்தல் முறைமை

இஸ்லாமிய கல்வி உளவியல்

இஸ்லாமிய குழந்தை உளவியல்

ஆசிரியைகளின் ஆளுமைத் திறன்

ஆகிய தலைப்புகளில் மிகச்சிறந்த வல்லுநர்கள் வகுப்பெடுக்க உள்ளனர்.

பங்குபெறும் ஆசிரியைகள் அனைவருக்கும் சான்றிதழ் வழங்கப்படும்.

இஸ்லாமிய பள்ளிக்கூடங்களின் வளர்ச்சிக்கும் பெண் கல்வியாளர்களின் திறன் மேம்பாட்டுக்கும் இப்பயிலரங்கம் ஆதாரமாக இருக்கும்.

முன்பதிவு கட்டாயம்

கீழ்க்கண்ட படிவத்தை பூர்த்தி செய்து தங்கள் முன்பதிவை உறுதி செய்யவும்

https://forms.gle/SmNxw1J5ZRrH3nmP9

மேலும் விபரங்களுக்கு

79040 77759

(WhatsApp இல் மட்டும் தொடர்பு கொள்ளவும்)

சட்டக்கல்லூரி மாணவர்கள் மற்றும் இளம் வழக்கறிஞர்களுக்கான இரண்டுநாள் பயிலரங்கம் புதுச்சேரி பைத்துல் ஹிக்மாவில் நடைபெற உள்ளது.

ஓய்வுபெற்ற நீதிபதிகள், சட்டவியல் பேராசிரியர்கள் மூத்த வழக்கறிஞர்கள், சமூக செயற்பாட்டாளர்கள், இஸ்லாமிய தர்கக்கலை மற்றும் வரலாற்று வல்லுநர்கள் பயிற்சியளிக்க உள்ளனர்.

சட்டக் கல்வியில் ஆராய்ச்சிப் படிப்பை(Ph.d) முன்னெடுக்க விரும்பும் தகுதியுள்ள மாணவர்களுக்கான தொடர் பயிற்சி மற்றும் கல்வி கட்டணத்தை தமிழ்நாடு முஸ்லிம் கல்வி இயக்கம் பொறுப்பெற்றுக் கொள்கிறது.

ஆர்வமுடைய மாணவர்கள் உடன் முன்பதிவு செய்து கொள்ள வேண்டுகிறோம்.

முன்பதிவுக்கு : 97892 34073

தமிழ்நாடு முஸ்லிம் கல்வி இயக்கம் நடத்திய “நாளைய உலகம் நமதாகட்டும்” என்ற உயர்கல்வி வழிகாட்டுதல் நிகழ்ச்சி, தஞ்சை மாவட்டம் அதிராம்பட்டினத்தில், 26.06.2022 (ஞாயிற்றுக்கிழமை) மாலை நடைபெற்றது.

தமிழ்நாடு முஸ்லிம் கல்வி இயக்கத்தின் அதிராம்பட்டினம் பொறுப்பாளர் ஜனாப் N.முஹம்மது மாலிக் அவர்கள் அறிமுக உரை மற்றும் வரவேற்புரை நிகழ்த்தினார்கள்.

தமிழ்நாடு முஸ்லிம் கல்வி இயக்கத்தின் நிறுவனர், சகோதரர் CMN சலீம் அவர்கள், “முஸ்லிம்களின் கல்வி மேம்பாடு” என்ற தலைப்பில் சிறப்புரை நிகழ்த்தினார்கள்.

தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர், பேராசிரியர், V.R.அப்துர்ரஹ்மான்.,M.E.,M.A., அவர்கள், “என்ன படிக்கலாம்? எது நம் இலக்கு?” என்ற தலைப்பில் PowerPoint Presentation மூலம் வகுப்பு நடத்தினார்கள்.

அதன் பிறகு, கேள்வி பதில் நிகழ்ச்சியில் மாணவர்கள் மற்றும் பெற்றோர்களின் சந்தேகங்களுக்கு விளக்கம் அளிக்கப்பட்டது.

தமிழ்நாடு முஸ்லிம் கல்வி இயக்கத்தின் அதிராம்பட்டினம் பொறுப்பாளர் ஜனாப் N.முஹம்மது மாலிக் அவர்கள் நன்றியுரை வழங்கினார்கள். மேலும், இது போன்ற நிகழ்ச்சிகளை தொடர்ச்சியாக நடத்துவதன் அவசியத்தையும் குறிப்பிட்டார்கள்.

பல மாணவ மாணவியர்கள் இந்நிகழ்ச்சியில் கலந்து கொண்டார்கள். நிகழ்ச்சி மிகச்சிறப்பான முறையில் ஏற்பாடு செய்யப்பட்டிருந்தது.

அல்ஹம்துலில்லாஹ்.

மதுரை எகானமிக் சேம்பர் ( MEC) மற்றும் தமிழ்நாடு முஸ்லிம் கல்வி இயக்கம் இணைந்து நடத்திய ” நாளைய உலகம் நமதாகட்டும் ” உம்மத்திற்கான உயர்கல்வி இலக்கு பயிற்றுவிக்கும் நிகழ்ச்சி மதுரை வக்ஃபு வாரிய கல்லூரி வளாகத்தில் 19.06.22 ஞாயிறு காலை நடைபெற்றது.

துவக்கமாக கல்வியின் அவசியம் என்ற தலைப்பில் காணொளி காட்சி மூலம் ஜன்சேவா கூட்டுறவு கடன் சங்கத்தின் வட்டார செயலாளர் ஜனாப்.A.K.ஜமான் அவர்கள் உரை நிகழ்த்தினார்கள்.

அதைத் தொடர்ந்து தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர் பேரா.M.முஹம்மது இஸ்மாயில் M.E.,M.A.,LLB அவர்கள் என்ன படிக்கலாம் ? எது நம் இலக்கு ? என்ற தலைப்பில் PowerPoint Presentation மூலம் விரிவான வழிகாட்டுதல் வழங்கினார்கள்.

பின்னர் மாணவ மாணவிகளின் உயர்கல்வி சார்ந்த சந்தேகங்களுக்கு விரிவான விளக்கங்கள் தரப்பட்டது.

ஜமாத்தார்களும் மாணவ மாணவிகளும்

பெரும் திரளாக கலந்து கொண்ட இந்நிகழ்ச்சிக்கான ஏற்பாடுகளை Madurai Economic Chamber நிர்வாகிகள் மிகச் சிறப்பாக செய்திருந்தனர்.

A.L.I. சங்கம் நீடூர் நெய்வாசல் மற்றும் தமிழ்நாடு முஸ்லிம் கல்வி இயக்கம் இணைந்து நடத்திய ” நாளைய உலகம் நமதாகட்டும் ” உம்மத்திற்கான உயர்கல்வி வழிகாட்டுதல் நிகழ்ச்சி நீடூர் JMH நிக்காஹ் மஹாலில் 17.06.22 அன்று நடைபெற்றது.

நிகழ்ச்சியை துவக்கி வைத்த மிஸ்பாஹுல் ஹுதா அரபிக் கல்லூரியின் முதல்வர் கண்ணியம் நிறைந்த மௌலானா மௌலவி முஹம்மது இஸ்மாயில் ஹஜ்ரத் அவர்கள் துவக்கவுரை நிகழ்த்தினார்கள்.

அதைத் தொடர்ந்து கல்வியின் அவசியம் குறித்த மிகத்தெளிவான உரையை மிஸ்பாஹுல் ஹுதா அரபிக் கல்லூரியின் பேராசிரியர் கண்ணியமிகு மௌலானா மௌலவி H.அப்துர் ரஹ்மான் பாக்கவி ஹஜ்ரத் அவர்கள் நிகழ்த்தினார்கள்.

நிறைவுரையாக தமிழ்நாடு முஸ்லிம் கல்வி இயக்கத்தின் உயர்கல்வி ஆலோசகர் பேரா.M.முஹம்மது இஸ்மாயில் M.E.,M.A.,LLB அவர்கள் என்ன படிக்கலாம் ? எது நம் இலக்கு ? என்ற தலைப்பில் PowerPoint Presentation மூலம் விரிவான வழிகாட்டுதல் வழங்கினார்கள்.

நிகழ்வின் இறுதியில் மாணவ மாணவிகளின் உயர்கல்வி சார்ந்த சந்தேகங்களுக்கு விரிவான விளக்கங்கள் தரப்பட்டது.

ஜமாத்தார்களும் மாணவ மாணவிகளும்

பெரும் திரளாக கலந்து கொண்ட இந்நிகழ்ச்சிக்கான ஏற்பாடுகளை A.L.I. சங்க நிர்வாகிகள் மிகச் சிறப்பாக செய்திருந்தனர்.