திருவள்ளூர் மாவட்டம் திருத்தணி பள்ளிப்பட்டு நகரி வட்டார அனைத்து முஸ்லிம் ஜமாஅத் கமிட்டி மற்றும் ஜமாஅத்துல் உலமா சபை இணைந்து நடத்திய கல்வி விழிப்புணர்வு நிகழ்ச்சி திருத்தணியில் நடைபெற்றது.

இஸ்லாமிய கல்வி மரபில் ஆழ்ந்த ஞானமுடைய சென்னை பாலவாக்கம் இமாம் மௌலவி A.U. அபூபக்கர் உஸ்மானி அவர்களும் நானும் சிறப்புரையாற்ற அழைக்கப்பட்டிருந்தோம்.

தமிழகத்தின் டெல்டா மாவட்டங்கள் மற்றும் தென்மாவட்ட முஸ்லிம் சமூகத்துக்கும், ஆந்திர எல்லையில் அமைந்துள்ள திருவள்ளூர் மாவட்ட முஸ்லிம்களுக்கும் இடையே இருக்கும் சமூகப் பொருளாதார வேறுபாடுகள் கண்டு என்னளவில் சமூகச் சுமைகளும் பொறுப்புகளும் கூடியதாக உணர்தேன்.

இஸ்லாத்தின் கண்ணியமான அடையாளங்களும் பண்பாட்டுச் சிறப்புகளும் மிக உயர்வாக இருக்கிறது. ஆனால் நவீனக் கல்வி மீதான ஆர்வமும் வழிகாட்டுதலும் குறைவாக இருக்கிறது.இதனால் அங்கே ஏழ்மையும் சமூகப் பொருளாதார பின்னடைவுகளும் அதிகமாக இருக்கிறது.

மிகப்பெரிய அளவிலான கல்வி விழிப்புணர்வு மற்றும் உதவிப்பணிகள் நீண்ட காலத்துக்கு மேற்கொள்ள வேண்டியத் தேவையிருக்கிறது.

முஸ்லிம்களின் நிலையையும் பெருகிவரும் சமூக அரசியல் நெருக்கடிகளையும் துல்லியமாக உணர்ந்த திருவள்ளூர் மாவட்டத்தின் அனைத்து ஜமாஅத் கமிட்டியும் மாவட்ட ஜமாஅத்துல் உலமா சபையும் சில தன்னார்வ ஊழியர்களும் தொடர்ந்து சிறப்பான நடவடிக்கைகளை முன்னெடுத்து வருகின்றனர்.

ஆன்மிகத்தையும் நவீனக் கல்வியையும் தவிர்த்து வெறேதைக் கொண்டும் முஸ்லிம் உம்மத்தை உயர்த்திவிடவோ அதிகாரப்படுத்திவிடவோ முடியாது என்பதில் தெள்ளத்தெளிவாக இருக்கின்றனர்.

அறிவு பொருள் நேரம் உள்ளிட்ட அமானிதங்களில் பெரும்பாலானவற்றை உம்மத்துக்காக அர்ப்பணித்து வாழ்ந்த அல்லது வாழும் ஒருசில மூஃமின்களால் அவர்கள் பிறந்த ஊர் உயர்ந்த மதிப்பீடுகளைப் பெற்று வரலாற்றில் இடம்பெறுகிறது.

அப்படிப்பட்ட ஒருசிலரின் உயர்ந்த வாழ்க்கை முறை காரணமாக அந்த ஊரும், ஊர் மக்கள் அனைவரும்,அவர்களது சந்ததியினரும்,மிகுந்த கண்ணியத்தைப் பெறுகின்றனர்.

தமிழகத்தில் பல முஸ்லிம் ஊர்களை அப்படி குறிப்பிட்டுச் சொல்லலாம்.அதில் ஒரு மகத்துவமான ஊர்தான் திண்டுக்கல் மாவட்டத்திலுள்ள கீரனூர்.

கீரனூரில் சமூகப் பொறுப்புள்ள பெருமக்களால் துவங்கப்பட்டுள்ள Wisdom Public School முதலாவது ஆண்டு விழா நிகழ்வில் சிறப்பு விருந்தினராக கலந்து கொண்டேன்.

நவீனகால முஸ்லிம் உம்மத்தின் கல்வித் தேவையை தெளிவாக தீர்க்கமாக அறிந்தவர்களால் துவங்கப்பட்டுள்ள தரமான CBSE பள்ளிக்கூடம். பழனி சுற்றுவட்டார மக்கள் அனைவரும் இந்த பள்ளிக்கூடத்தை மிகச்சரியாக பயன்படுத்திக் கொள்ள வேண்டும்.

—————

கீரனூர் பள்ளிவாசலில் தொழுதுவிட்டு அந்த பள்ளியை கட்டுவதற்கு முன்னின்று உழைத்த அனைவருக்காகவும் துஆ செய்தேன். பள்ளியின் பாரம்பர்ய வடிவமைப்பு நமது முன்னோர்களது அறிவுக்கும் அர்ப்பணிப்புக்கும் ஒரு சான்று. பள்ளி குறித்து தனியாக பதிவிடுகிறேன்.

திருநெல்வேலி எக்கனாமிக் சேம்பர் சார்பில் அதன் உறுப்பினர்களுக்கு முஸ்லிம்களின் தொழில் வளர்ச்சி என்ற தலைப்பில் சிறப்பு வகுப்பு நடைபெற்றது.

முஸ்லிம் சமூகத்தில் அறிவுப் பெருளாதாரம் (Knowledge Economy) உற்பத்தித் தொழில் (Manufacturing Business) இவை குறித்த விழிப்புணர்வும் பயிற்சியும் அளிக்கப்பட வேண்டிய அவசியத்தை பகிர்ந்து கொண்டோம்.

எதிர்காலத்தில் பெருக இருக்கும் சில உற்பத்தித் தொழில் குறித்தும் கவனப்படுத்தப்பட்டது.

தொழில் துறையில் இருப்பவர்கள் ஒரு சமூகமாக சிந்தித்து ஒருவருக்கொருவர் உதவிக் கொண்டு (Community coordination) கைகோர்த்து பயணிக்கும் இஸ்லாமிய குணம் முஸ்லிம்களின் பொதுச் சிந்தனையாக வளர்த்தெடுக்கப்பட்டால் மட்டுமே முஸ்லிம்கள் கார்ப்பரேட் நிறுவனங்களை உருவாக்கவும் அதை சட்ட சமூக அரசியல் ரீதியாக பாதுகாக்கவும் முடியும்.

முஸ்லிம்களின் உயர்கல்வி மற்றும் ஆராய்ச்சிகள் அனைத்தும் உற்பத்தி தொழிலை இலக்காக கொண்டு அமைந்திடும் வகையில் வளரும் தலைமுறைக்கு பயிற்சியளிக்க வேண்டும்.

திருவள்ளூர் மாவட்டத்திலுள்ள 163 ஜமாஅத் நிர்வாகம் மற்றும் உலமாக்கள் கூடிய அனைத்து ஜமாஅத் ஒருங்கிணைப்பு கமிட்டியின் கூட்டம் தமிழக ஆந்திர எல்லையில் அமைந்துள்ள ஆரம்பாக்கத்தில் நடைபெற்றது.

எனது உரையின் சிறு பகுதி :

” முஸ்லிம்களின் நிலையை மாற்றி அமைத்திடும் நீண்டகால செயல்திட்டங்கள் தான் இன்றையத் தேவை.

ஒவ்வொரு முஹல்லாவிலிருந்தும் இந்த ஆண்டு 12 ஆம் வகுப்பு தேர்வெழுதும் ஒரு 10 மாணவர்களை தேர்ந்தெடுத்து மாவட்ட ஜமாஅத் ஒருங்கிணைப்பு கமிட்டியிடம் ஒப்படையுங்கள்.

அவர்களை கல்லூரியில் சேர்த்து தொடர்ச்சியாக பயிற்சியளித்து உருவாக்கும் பொறுப்பை நாங்கள் ஏற்றுக்கொள்கிறோம்.

இன்ஷா அல்லாஹ் அடுத்த 5 ஆண்டுகளில் 163 முஹல்லாவின் சுமார் 1500 மாணவர்களில் பலர் அறிவியல் உயிரியல் துறை இளம் ஆராய்ச்சியாளர்களாக வீரியமான வழக்கறிஞர்களாக IAS IPS தேர்வெழுதுபவர்களாக உருவாகி வந்து உங்கள்முன் நிற்பார்கள்.

தளர்ந்து விடாமல் இந்த செயல் திட்டத்தை தொடர்ச்சியாக நடைமுறைப்படுத்தினால் ஐந்தே ஆண்டுகளில் மகத்தான மாற்றங்களை காண்பீர்கள்.

உங்கள் முஹல்லாவாசிகளின் வாழ்க்கை நிலை மேம்படும். ஜக்காத் ஸதக்கா கொடுக்கக் கூடியவர்கள் எண்ணிக்கை அதிகரிக்கும். அவர்களின் சந்ததிகள் யாரும் வறுமையில் சிக்க மாட்டார்கள்.

நமது கவலைகளும் புலம்பல்களும் மட்டுமே சமுதாயத்தின் நிலையை மாற்றி அமைத்து விடாது.

நல்ல நிய்யத்துடன் முன்னெடுக்கப்படும் சமுதாயப் பணிகள் ஏற்றஇறக்கங்களை சந்திக்குமே தவிர ஒருபோதும் தோல்வியடையது “

– CMN SALEEM

இஸ்லாமியப் பள்ளிகள் துவங்குவதற்கான மூன்றுநாள் பயிலரங்கம் சிறப்பாக நடந்து முடிந்தது. அல்ஹம்துலில்லாஹ்.

அன்னை கதீஜா கலை அறிவியல் மகளிர் கல்லூரியின் ஆலிமா பட்டதாரி இறுதியாண்டு மாணவிகளுக்கு ஆண்டுதோறும் நடைபெறும் இந்த பயிலரங்கில் கல்வி நிறுவனம் துவங்கும் ஆர்வமுள்ள பலரும் கலந்து கொண்டனர்.

தமிழக முஸ்லிம்களின் ஆரம்பக்கல்வி முதல் ஆய்வுக்கல்வி வரை இஸ்லாமியப் பாடங்கள் இணைக்கப்பட வேண்டும்.

இரண்டு கல்வியிலும் பட்டம் பெற்ற ஆயிரக்கணக்கான பெண் கல்வியாளர்கள் உருவாக்கப்பட வேண்டும்.

முஸ்லிம்களால் நடத்தப்படும் பள்ளி கல்லூரிகளில் (முஸ்லிம்களுக்கு) இஸ்லாமியப் பாடங்கள் இணைக்கப்பட வேண்டும்.

இஸ்லாமியப் பள்ளிக்கூடம் இல்லாத முஹல்லாக்களில் புதிய நர்சரி பிரைமரி பள்ளிக்கூடங்கள் துவங்கப்பட வேண்டும்.

மார்க்கக் கல்வி பயிலும் ஆலிம்களை பள்ளி கல்லூரிகளின் ஆசிரியர் பேராசிரியர்களாக உருவாக்கும் இலக்குடன் இரண்டு கல்வியும் இணைக்கப்பட்ட அரபு மதரஸாக்கள் துவங்கப்பட வேண்டும்.

இந்த இலக்கை நோக்கிய செயல்திட்டங்கள் தான் இந்த மூன்றுநாள் பயிலரங்கின் கற்கை நெறிகளாக அமைக்கப்பட்டிருந்தன.

முஸ்லிம் பெண்கள் கல்வியாளர்களாக கல்வித்துறை ஆளுமைகளாக உருவாக வேண்டும் என்ற சிந்தனையை தமிழ்நாடு முஸ்லிம் கல்வி இயக்கம் கடந்த கால் நூற்றாண்டு காலமாக விதைத்து வருகிறது.

உம்மத்தின் பெண்களிடம் மகத்தான மாற்றங்கள் ஏற்பட்டு வருவதை கண்கூடாக பார்க்க முடிகிறது.

ஒரு இஸ்லாமிய நர்சரி பிரைமரி பள்ளியை துவங்கி நடத்திட தேவையான அனைத்துப் பயிற்சிகளையும் அளிக்கும் இந்த மூன்றுநாள் பயிலரங்கம் 13 ஆவது ஆண்டாக இன்ஷா அல்லாஹ் வருகின்ற வெள்ளிக் கிழமை துவங்குகிறது.

அன்னை கதீஜா கலை அறிவியல் மகளிர் கல்லூரியின் இறுதியாண்டு ஆலிமா பட்டதாரி மாணவிகளுக்கு நடத்தப்படும் இந்த பயிலரங்கில்,கல்வி நிறுவனம் துவங்கும் ஆர்வமுடைய அனைவரும் கலந்து கொள்ளலாம்.

குறிப்பாக Montessori, Play School போன்று சிறிய பள்ளிகள் துவங்கும் எண்ணத்தில் இருக்கும் ஆலிமாக்கள் மற்றும் பட்டதாரி பெண்களுக்கு இந்த பயிலரங்கம் ஒரு அருமையான வாய்ப்பு.

கலந்துகொள்ளும் அனைவருக்கும் சான்றிதழ் வழங்கப்படும்.

முன்பதிவு கட்டாயம்.

பெற்றோர்களே…

பள்ளி கல்லூரிப் பாடங்கள் உங்கள் பிள்ளைகளுக்கு தகவல்களை கொடுக்கும்.

சமூகநீதி முரசு மாதஇதழ் அவர்களுக்கு உயர்கல்வி மற்றும் ஆராய்ச்சி ரீதியாக பயணிக்க வேண்டிய திசையை காட்டி பயிற்சியும் அளிக்கும்.

உம்மத்தின் அடுத்த தலைமுறையை ஆளுமைமிக்க அதிகாரமிக்க தலைமுறையாக்கும் இலக்குடன் பயணிக்கும் தமிழ்நாடு முஸ்லிம் கல்வி இயக்கத்தின் மாதஇதழ்.

முஸ்லிம் உம்மத்தின் கல்வி மற்றும் வரலாறு சார்ந்த அனைத்து உண்மைகளும் உங்கள் வீடு தேடிவர இன்றே சந்தா செலுத்துங்கள்.

– CMN SALEEM