தமிழ்நாடு முஸ்லிம் கல்வி இயக்கத்தின் சார்பில் உற்பத்தித் தொழில்கள் (Manufacturing Business) குறித்த இரண்டுநாள் பயிலரங்கம் புதுச்சேரி பைத்துல் ஹிக்மாவில் ஏற்பாடு செய்யப்பட்டுள்ளது.

குறைந்த முதலீட்டில் அதிக இலாபம் ஈட்டும் சிறு குறு தொழில்கள் குறித்தும் அதை ஒரு நிறுவனமாக கட்டமைக்கும் அரசின் விதிமுறைகள் குறித்தும் இந்த பயிலரங்கில் அறிந்து கொள்ளலாம்.

ஒரு தொழிலை மகத்தான சாம்ராஜ்யமாக கட்டமைக்கும் தொலைநோக்கு இலக்கும் அதற்கான அடிப்படை குணங்கள் குறித்த உளவியல் பயிற்சியும் அளிக்கப்பட உள்ளன.

தொழில் செய்யும் ஆர்வமுடைய பெண்களும் கலந்து கொள்ளலாம்.

முன்பதிவு கட்டாயம் : 97892 34073

அப்பாஸிய கலீஃபா ஹாருன் அல் ரஷீத் அவர்களால் 9 ஆம் நூற்றாண்டில் துவங்கப்பட்ட உலகப்புகழ் பெற்ற ” பைத்துல் ஹிக்மா ” என்ற உயர்கல்வி மற்றும் அறிவியல் தொழில்நுட்ப ஆராய்ச்சி நிறுவனத்தின் வரலாற்றுச் சாதனைகளை திருச்சியில் நடைபெற்ற உயர்கல்வி மாநாட்டில் அன்னை கதீஜா கலை அறிவியல் மகளிர் கல்லூரி மாணவிகள் நாடகம் மூலம் காட்சிப் படுத்தினர்.

இஸ்லாமிய வரலாற்றில் கற்றறிந்த அறிஞர் (ஆலிம்) என்றால் அது மார்க்க கல்வியின் நிழலில் உலகின் அனைத்து பயனுள்ள அறிவையும் பெற்ற பல்துறை விற்பன்னர் என்பது தான் அடையாளமாக இருந்துள்ளது என்பதை வரலாறு நமக்கு சான்றளிக்கிறது.

வரலாற்றின் மத்தியகாலத்தில் உலகின் அறிவுத்துறைக்கும் அறிவியல் தொழில்நுட்ப வளர்ச்சிக்கும் முஸ்லிம்கள் ஆற்றியுள்ள பங்களிப்புகளை கவனத்தில் கொள்ளாமல் இன்றைய பெற்றோர் தங்கள் பிள்ளைகளின் உயர்கல்வியை தேர்வு செய்வது கூடாது.

அது ஈமானிய இலக்கு இல்லாத இன்றைய முதலாளித்துவத்தின் ஊழியர்களாக காகிதத்தில் பட்டங்களை சுமக்கும் வெறும் பட்டதாரிகளாக அந்த பிள்ளைகளை மாற்றிவிடும் பேராபத்து இருக்கிறது.

” நீங்களும் உங்களது குடும்பமும் உங்கள் சந்ததிகளும் ஆன்மிகத்துடன் அறிவாற்றல் பெற வேண்டும், அதன் மூலம் இந்த உம்மத்துக்கு பாதுகாப்பும் கண்ணியமும் அதிகரிக்க வேண்டும். இதற்கான எல்லா உதவிகளையும் வழிகாட்டுதலையும் தமிழ்நாடு முஸ்லிம் கல்வி இயக்கம் எப்போதும் செய்யும் ” இந்த நம்பிக்கையை மாணவ மாணவிகள் பெற்றோர்களுக்கு விதைப்பது தான் இந்த உயர்கல்வி மாநாட்டின் நோக்கமாக இருந்தது.

மாணவ மாணவிகள் தனித்தனியாக விளக்கம் பெறுவதற்கு வசதியாக ஆலோசனை அரங்குகள் அமைக்கப்பட்டிருந்தன. எந்த துறை குறித்தும் கேட்டு தெளிவு பெறும் வகையில் வல்லுநர்கள் குழு அந்த அரங்கில் அமர்ந்து ஆலோசனை வழங்கினர்.

சட்டம் / ஆட்சிப்பணி / ஆயுஷ் மருத்துவம் / உயிரியல் / ஆகிய துறைகளில் ஆராய்ச்சிக் கல்வியை (Ph.D) முன்னெடுக்கும் ஆதரவற்ற (எத்தீம்) ஏழை மாணவ மாணவிகளுக்கு அவர்களின் கல்வி காலம் முழுமைக்கும் பொறுப்பேற்கும் அரங்கும் அமைக்கப்பட்டிருந்தது.

தமிழ்நாடு முஸ்லிம் கல்வி இயக்கம் சார்பில் மாநிலம் தழுவிய உயர்கல்வி மாநாடு திருச்சியில் நடைபெற்றது.

பல ஜூம்ஆ மேடைகளில் இது குறித்த அறிவிப்பு செய்யப்பட்டு, பல ஜமாஅத் நிர்வாகம் தங்களது மஹல்லா பிள்ளைகளை மாநாட்டுக்கு அழைத்து வருவதற்கான ஏற்பாடுகளையும் செய்திருந்தனர்.

தமிழ்நாடு முஸ்லிம் கல்வி இயக்கத்தின் துறைசார்ந்த உயர்கல்வி நெறியாளர்கள் மிகச்சிறப்பாக பயிற்சியளித்தனர். (அனைவரும் முனைவர் பட்ட (Ph.D)ஆய்வாளர்கள்)

இனி வரும் காலங்களில் முஸ்லிம் பிள்ளைகள் யாராக உருவாக வேண்டும் என்ற இலக்கு நிர்ணயிக்கப்பட்டு அதற்கேற்ற உயர்கல்வி படிப்புகள் எது எங்கு படிக்க வேண்டும் என்பது குறித்து பயிற்சியளிக்கப்பட்டது.

முஸ்லிம் சமூகத்தில் மகத்தான சிந்தனை மாற்றத்திற்கான துவக்கமாக இந்த உயர்கல்வி மாநாடு அமைந்திருந்தது.

அல்ஹம்துலில்லாஹ்.

இன்ஷா அல்லாஹ்…..

திருநெல்வேலியில் நாளை நடைபெறுகிறது.

பெற்றோர்கள் தங்கள் பிள்ளைகளுடன் கட்டாயம் கலந்து கொள்ளுங்கள். உங்கள் வாழ்வுக்கும் இந்த உம்மத்தின் வாழ்வுக்கும் வளம் சேர்க்கும் வழிகாட்டுதல் நிகழ்ச்சி.

தமிழ்நாடு முஸ்லிம் கல்வி இயக்க பொறுப்பாளர்களின் ஆலோசனை கூட்டம் புதுச்சேரி பைத்துல் ஹிக்மா கல்வி வளாகத்தில் நேற்று நடைபெற்றது.

கொரோனாவுக்கு பிந்தைய காலத்தில் தமிழக முஸ்லிம் சமூகத்தில் முன்னெடுக்கப்பட வேண்டிய கல்வி வளர்ச்சி மற்றும் பொருளாதார மேம்பாட்டு பணிகள் குறித்து விரிவாக ஆலோசனை செய்யப்பட்டு பல முக்கிய திட்டங்கள் வகுக்கப்பட்டுள்ளன.

தமிழ்நாடு முஸ்லிம் கல்வி இயக்கம் சார்பில் பைத்துல் ஹிக்மாவில் ஏற்பாடு செய்திருந்த 10 ஆம் வகுப்பு மாணவர்களுக்கான 12 நாள் தலைமைத்துவ பயிலரங்கம் நிறைவடைந்தது.

தமிழகத்தின் அனைத்து மாவட்டங்களிலிருந்தும் மாணவர்கள் கலந்து கொண்டனர்.

நாளையத் தலைவர்களான இவர்களுக்கு இவர்களின் ஆர்வத்திற்கேற்ற வாழ்வியல் இலக்கு முன்வைக்கப்பட்டுள்ளது.

வெறும் பட்டதாரிகளாக நின்றுவிடாமல் நாட்டின் முதன்மையான அறிவியல் ஆராய்ச்சியாளர்களாக உருவாகும் பயிற்சியும் அளிக்கப்பட்டுள்ளது.

இன்று 16 வயதில் இருக்கும் இவர்களின் அடுத்த 10 ஆண்டுகளுக்கான கல்விப்பயணம் குறித்த தெளிவான திட்ட வரைபடமும் வழங்கப்பட்டுள்ளது.

எல்லாவற்றுக்கும் மேலாக மனித வெற்றியின் மூலாதாரமாக இருக்கும் ஆன்மிகப் பயிற்சிகளுடன், இயற்கை வாழ்வு, மரபு உணவுகள் குறித்த பண்பாட்டுப் பயிற்சிகளும் அளிக்கப்பட்டுள்ளன.

அல்ஹம்துலில்லாஹ்….