Admin – Page 9 – TMKI.org

Social Awareness

நமது சிந்தனைக்குத் தீனி யாரிடமிருந்து வருகிறது.

இளைஞர்கள் எதை சிந்திக்க வேண்டும் எதை விவாதிக்க வேண்டும் எதை உண்ண உடுத்த உபயோகப்படுத்த வேண்டும் என்பதை நமது எதிரிகள் முடிவு செய்ய அனுமதித்தால் இப்போது போல எப்போதும் சமூகம் பலவீனப்பட்டு தான் நிற்கும்.

உம்மத்திற்கு எதிராக யூதர்கள் உலகம் முழுவதும் இதை திட்டமிட்டு செய்கிறார்கள். இந்தியாவிலும் இலங்கையிலும் சங்கிகள் செய்கிறார்கள்.

இளைய தலைமுறைக்கு பயனுள்ள வழிகாட்டல் இருந்தால் பயனுள்ளவற்றில் கட்டுக்கடங்காத வேகத்தை காட்டுவார்கள் அது உம்மத்தை குறுகிய காலத்தில் வளர்ச்சியின் உச்சிக்கு கொண்டு போகும்.இது சமூகத்தின் முன்னோடிகள் செய்ய வேண்டிய அவசியமான வேலை.பன்முகச் சமூகத்தில் வாழும் நாம் இளைய தலைமுறையை இஸ்லாமிய கலாச்சார பண்பியல் வட்டத்திற்குள் வைத்திருக்கும் மிக முக்கியமான கலை இது.

மதம் அரசியல் போன்ற உணர்ச்சிப் பூர்வமான விவகாரங்களில் நிதானம் குறைவாக காணப்படும் வயதில் இளைஞர்கள் கூர்தீட்டி விடப்பட்டால் சொந்த தாய் தந்தை சமூகம் என்றுகூட பார்க்காமல் குத்திக் கிழிப்பதில் மூர்த்தனத்தை காட்டுவார்கள்.

ஆக மொத்தம் குறிப்பிட்ட வயது வரை கட்டுக்கடங்காத வேகமும் மூர்க்கத்தனமும் மனித இயல்பாக இருக்கிறது. ஊரின் பொது காரியங்களில் இளைஞர்கள் புறக்கணிக்கப்பட்டால் முதல்வேலையாக ஊரின் ஒற்றுமைக்கு தீ வைப்பார்கள் என்ற எதார்த்தத்தை மூத்தவர்கள் உணரவேண்டும்

Admin November 18, 2020 0

Social Awareness

வரலாறு முக்கியம் மக்கா…

1946 பஞ்ச காலத்தில் சவூதி அரேபியாவிற்கு நிதியுதவியளித்த தமிழர்கள் என்ற தகவலை வழக்கறிஞர் ஜெய்னுல்ஆபிதீன் அவர்களுடைய பதிவில் பார்த்தேன். ஆச்சரியமான தகவல்.

…………………………………………

சவூதி அரேபியாவை நிறுவியவரும் அன்றைய மன்னருமான மலிக் அப்துல் அஜீஸ் இப்னு சவூது அவர்கள் (இன்றைய மன்னர் சல்மான் அவர்களின் தந்தை) இந்த நிதியை பெற்றுக்கொண்டு நன்றி பாராட்டி தந்தி சொல்லியுள்ளார்கள் என்று அந்த கடிதத்தில் குறிப்பிட்டுள்ளார்கள்.

பதில் கடிதம் ஏதேனும் வந்ததா என்று தெரியவில்லை. கொழும்பிலும் காயல்பட்டினத்திலும் தேடினால் கிடைக்கலாம்.

சவூதி அரசாங்க ஆவன காப்பகத்தில் நிச்சயம் இருக்கும். அப்படியில்லை யென்றாலும் கூட இந்த கடிதத்தை இப்போது மொழியாக்கம் செய்து முறைப்படி அனுப்பினால் பஞ்சகாலத்தில் தமிழ் முஸ்லிம்களின் பங்களிப்பை அதிகாரப்பூர்வமாக பதிவு செய்து விடலாம்.இப்போதவது இதை செய்வது கட்டாயம். இது சாதாரன சம்பவம் அல்ல.

இந்த தகவலை தமிழகம் இலங்கையைச் சேர்ந்த மிக முக்கியமான இரண்டு அறிஞர்களுக்கு அனுப்பியுள்ளேன். முயற்சி செய்து பார்க்கலாம்.

ஒரு செய்தியை நினைவுபடுத்த விரும்புகிறேன்.

1912 இல் துருக்கி உதுமானிய அரசுக்கும் பால்கன் லீக் நாடுகளுக்கும் இடையே போர் நடைபெற்றது. போர் செலவினங்களுக்காக உலக முஸ்லிம்களிடம் கோரிக்கை வைக்கப்பட்டது.

அன்றும் கூட வறுமையில் வாடிய ரோஹிங்கிய முஸ்லிம் விவசாயிகள் ரங்கூனில் இருந்த உதுமானிய அரசின் தூதரகத்திற்கு சென்று 800 லிராஸ் வழங்கினார்கள்.போர் முடிந்து நிவாரணப் பணிகளுக்காக மீண்டும் கோரிக்கை வைத்தபோது ஏறக்குறைய 3000 லிரஸ் அளித்தனர்.

துருக்கியில் உதுமானிய அரசின் ஆட்சிமுறை முடிவுக்கு வந்து குடியரசு முறை ஏற்பட்டு 90 ஆண்டுகள் கடந்தப் பிறகும் கூட……

ரோஹிங்கிய முஸ்லிம்கள் பர்மிய ராணுவத்தால் துரத்தப்பட்ட போது துருக்கி அதிபர் எர்துகானின் மனைவி எம்னி அவர்கள் நேரடியாக சென்று அந்த மக்களுக்கு ஆறுதல் கூறினார்.” வறுமையிலும் எங்களுக்கு உதவிய மக்கள் இவர்கள்” என்று ஜனாதிபதி எர்துகான் குறிப்பிட்டார்.

பர்மிய அரசை சர்வதேச குற்றவியல் நீதிமன்றத்தில் கொண்டு நிறுத்தியதில் துருக்கியின் பங்கு மகத்தானது.

1914 இல் உதுமானிய அரசின் ஹிஜாஸ் ரயில்வே திட்டத்திற்கு அதிகமான நிதியுதவி அளித்தது இந்திய முஸ்லிம்கள் என்பது வரலாற்றில் பதிவாகியுள்ளது. அதில் நிச்சயம் தமிழக முஸ்லிம்களின் பங்களிப்பு அதிகமாக இருந்திருக்கும் ஆனால் ஆவணம் இல்லை.

வரலாறு முக்கியம் மக்கா.

அதைவிட முக்கியம் வரலாற்றை ஆவணப்படுத்துவது மக்கா.

Admin November 18, 2020 0

Educational Awareness

தயவு கூர்ந்து பிள்ளைகளுக்கு பாடப்புத்தகங்களை நடத்தாதீர்.

பெற்றோர்களே….

# உங்களது குழந்தை பருவத்தின் இனிமையான நிகழ்வுகளை பிள்ளைகளுக்கு கதை சொல்வதுபோல சொல்லிக்கொடுங்கள்.

நாமும் அதை அனுபவிக்க வேண்டும் என்ற ஆசையை அது தூண்டிவிடும்.

# உங்களது தாய் தந்தையரின் உயர்வான குணங்களை உங்களை வளர்த்தெடுக்க படிக்கவைக்க திருமணம் செய்துகொடுக்க அவர்கள் பட்ட துன்பங்களை உணர்ச்சிப்பூர்வமாக சொல்லிக் கொடுங்கள்.

குடும்பத்தின் மூத்தவர்கள் மீது இனம்புரியாத ஈர்ப்பும் மரியாதையும் உண்டாகும்.

# உங்களைச் சுற்றி நடக்கும் சமூக அரசியல் நடப்புகளை கூட்டல் குறைத்தல் இல்லாமல் சொல்லிக்கொடுங்கள்.

நாளை சமூக களத்தில் எதிர்கொள்ளப்போகும் நெருக்கடிகளை சந்திப்பதற்கு அவர்களை தயார்படுத்தும்.

# மோசமான தோல்விகள் எதார்த்தம் என்றும் அவற்றை சந்தித்து தான் ஆக வேண்டும் என்றும் கற்றுக்கொடுங்கள்.

உங்கள் பிள்ளைகளை வெற்றியாளர்களாக நீங்கள் நிச்சயம் காண்பீர்கள்.

# பசி வறுமை ஏழ்மை இவற்றை அனுபவங்களோடு கண்ணீர் மல்க கற்றுக்கொடுங்கள்.

அதில்தான் பிள்ளைகள் மனிதத்தன்மை பெறுவதற்கான அபூர்வ சூட்சுமம் அடங்கியுள்ளன.

# தர்மம் செய் என்று சொல்லாதீர். மாறாக கைபிடித்து உங்களோடு செய்ய வையுங்கள்.

தர்மம் தலைகாக்கும் தக்க சமயத்தில் உயிர்காக்கும் என்பது உலகம் தோன்றிய காலம் முதல் இருந்து வரும் உண்மை என்பதை மறவாதீர்.

உலகின் எந்த கல்விமுறையிலும் எந்த பாடப்புத்தகங்களிலும் இதை பார்க்க முடியாது. ஆனால் இது தான் உங்கள் பிள்ளைகளுக்கு இப்போதும் எப்போதும் தேவையான பாடமும் பயிற்சியும் படிப்பினைகளும் என்பதை மனதார நம்புங்கள்.

பொன்போல வாய்த்த இந்த ஓய்வு காலத்திலாவது பாடப்புத்தகங்களை சற்று ஒதுக்கி வையுங்கள்.

Admin November 18, 2020 0

Social Awareness

மகாராணியாக இருந்தாலும் நாங்கள் உதவுவதை தடுக்க இயலாது…

பிரிட்டனுக்கு அருகில் அமைந்திருக்கும் அயர்லாந்தை 1845 இல் பெரும் பஞ்சமும் கொள்ளை நோயும் தாக்கியது.அதை உருளைக் கிழங்கு பஞ்சம் என்றும் சொல்லுவார்கள்.

அயர்லாந்து விவசாயிகளிடம் பிரிட்டிஷ் ஏகாதிபத்தியம் உருளைக் கிழங்கை உயர்குடி மக்களின் உணவு என்றும் அதிகமான இலாபத்தை தரும் பயிர் என்றும் வஞ்சகமாக பேசி வலையில் சிக்க வைத்தனர்.

பலவகையான உணவுப் பயிர்கள் பயிரிடப்பட்ட அயர்லாந்தின் நிலங்களில் உருளைக்கிழங்கை பெருமளவில் பயிரிட்டு அதையே மக்களின் முதன்மை உணவாக உட்கொள்ள நிர்ப்பந்தித்தது பிரிட்டிஷ் ஏகாதிபத்தியம்.

ஒற்றைப்பயிர் சாகுபடியால் மண்ணில் ஏற்பட்ட மலட்டுத் தன்மை மற்றும் பல்வேறு காரணங்களால் கடும் பஞ்சமும் கொள்ளை நோய்களும் அயர்லாந்தை சூழந்தது.

கொள்ளை நோயும் கொடும்பஞ்சமும் ஒட்டிப்பிறந்த இரட்டைப் பிள்ளைகள் என்பதை எப்போதும் நாம் மறந்து விடக் கூடாது.

அயர்லாந்தின் பஞ்சத்திலும் அடுத்து தாக்கிய காலரா பெரியம்மை குளிர்காய்ச்சல் போன்ற வைரஸ் நோய்களாலும் ஏறக்குறைய 15 இலட்சம் மக்கள் மாண்டு போயினர். பிரிட்டிஷ் ஏகாதிபத்தியம் வேடிக்கை பார்த்துக் கொண்டே அயர்லாந்தில் மிச்சம் மீதி இருந்த தானியங்களையும் கொள்ளையிட்டுக் கொண்டு சென்றது.

ஏறக்குறைய 20 இலட்சம் மக்கள் அட்லாண்டிக் பெருங்கடலை கடந்து அமெரிக்கா கனடா ஆஸ்திரேலியா போன்ற நாடுகளுக்கு உயிர்பிழைக்க ஓடினர். உலகம் முழுவதும் அயர்லாந்து மக்களுக்கு உதவிட அன்று வேண்டுகோள் விடுக்கப்பட்டது.

அயர்லாந்தில் விளைந்த அனைத்தையும் சுருட்டிக்கொண்டு பஞ்சத்தை முன்னின்று உண்டாக்கிய பிரிட்டிஷ் ஏகாதிபத்தியத்தின் ராணி விக்டோரியா அம்மையார் வெறும் 2000 பவுண்டுகள் மட்டுமே உதவித்தொகை அறிவித்தார்.

துருக்கி உதுமானிய கிலாஃபாத்தின் கலீஃபா அப்துல் மஜீத் அவர்களுக்கு செய்தி வருகிறது. அயர்லாந்து மக்களின் பஞ்சம் போக்க 10,000 ஸ்டெர்லிங் பவுண்டுகள் உதவித் தொகையாக அறிவித்தார். விக்டோரிய மஹாராணி ஆடிப்போய்விட்டார்.

உடனே உதுமானிய கிலாஃபத்தின் தலைநகர் கான்ஸ்டான்ட்டி நோபிளில் பிரிட்டிஷ் பேரரசின் தூதராக இருந்த ஹென்றி வெல்லஸ்லி கலீஃபாவிடம் சென்று மகாராணியை விட நீங்கள் கூடுதலாக அறிவிக்க கூடாது அதில் பாதியை மட்டும் அறிவியுங்கள் என்று அழுத்தம் கொடுத்தார் .

உதுமானிய கலீஃபா அப்துல் மஜீத் அவர்களும் ஆரம்பத் தொகையாக 1000 ஸ்டெர்லிங் பவுண்டுகளை அனுப்பிவிட்டு பிரிட்டிஷ் கடற்படைக்கு தெரியாமல் 3 பெரிய கப்பல்களில் உணவுப் பொருட்கள் மருந்து பணம் ஆகியவற்றை அயர்லாந்து மக்களுக்கு அனுப்பி வைத்தார்.

மக்கள் பசிபட்டினியால் மடிந்து கொண்டிருந்த நேரத்தில் துருக்கிய கப்பல்கள் அயர்லாந்தின் ட்ராகேதா (Drogheda) துறைமுகத்திற்கு வந்து சேர்ந்தன. ஆயிரக்கணக்கான உயிர்கள் காப்பாற்றப்பட்டன. பெண்கள் பிள்ளைகள் ஆனந்தம் அடைந்தனர். அதன் உச்சமாக துருக்கிய மாலுமிகளை ஐரிஷ் இளம் பெண்கள் பலர் திருமணம் செய்ய முன்வந்தனர். மாலுமிகள் அதை மட்டும் மறுக்கவே யில்லை.உடனே ஓகே சொல்லி திருமணம் செய்துகொண்டனர் .

உயிர்காத்து உதவிய கலீஃபா அப்துல் மஜீத் அவர்களுக்கு அயர்லாந்து மக்களிடமிருந்து ஏராளமான பாராட்டுக் கடிதங்கள் வந்து குவிந்தன.

Freeman’s Journal என்ற அயர்லாந்தின் பழம்பெரும் இதழில்….

” அவர் முஹம்மதின் கொள்கையில் பிடிப்புள்ள மனிதாபிமானம் கொண்ட கொடையாளி. கிறிஸ்துவைப் பின்பற்றுபவரின் உண்மையான மனப்பான்மையுடன் செயல்பட்டார், மேலும் கிறிஸ்தவர்கள் எனக் கூறும் பலரும் பின்பற்றுவதற்கு ஒரு நல்ல முன்மாதிரி ” என்று எழுதியது.

இரண்டு மூன்று ஆண்டுகள் கழித்து உதுமானிய நிலப்பரப்பின் வடகிழக்குப் பகுதியான கிரீமியாவில் ரஷ்யாவின் படையெடுப்பை தடுப்பதில் உதுமானிய இராணுவத்துடன் துணை நின்ற பிரிட்டிஷ் படையில் அயர்லாந்தைச் சேர்ந்த செவிலியர்கள் பொறியாளர்கள் படைவீரர்கள் என்று 30 ஆயிரம் பேர் தன்னார்வத்துடன் பங்கேற்று தங்களது நன்றிக் கடனை செலுத்தினர்.

அதோடு விட்டார்களா அயர்லாந்து வாசிகள் உலகம் முழுவதும் இஸ்லாத்திற்கு எதிரான வெறுப்பு பிரச்சாரங்கள் உச்சத்தில் இருக்கும் இன்றைய காலத்தில் கலீஃபாவின் உதவிப்பொருட்கள் வந்திறங்கிய அயர்லாந்தின் துறைமுக நகரான ட்ராகேதா (Drogheda) நகரின் கொடியிலும் கால்பந்து அணியின் சின்னத்திலும் சிலுவையுடன் உதுமானிய பேரரசின் சின்னமான செம்பிறையை இணைத்து இருதரப்பு உறவுகளையும் வலிமைப் படுத்தியுள்ளனர்.

உதுமானிய கிலாஃபத் 1924 இல் காணாமல் போனபிறகும் இன்று வரை துருக்கியோடு அயர்லாந்து மக்களும் அரசும் இணைந்து நிற்கின்றனர்.

நிர்கதியாக நிற்கும் உயிர்களுக்கு செய்யும் உதவிகளுக்கு பிரதிபலனை எதிர்பார்ப்பது முஸ்லிம்களின் இயல்பாக ஒருக்காலும் இருக்க முடியாது.ஆனால் பிறர் செய்த உதவிகளுக்கு என்றென்றும் நன்றியோடு இருப்பது முஸ்லிம்களின் இயல்பாகவே இருத்தல் வேண்டும் என்பது நபி (ஸல்) அவர்களின் வாக்கு.

——————————————

Sources: Christine Kinealy, Charity and the Great Hunger in Ireland: The Kindness of Strangers (New York: Bloomsbury, 2013), 115-119. | David Murphy, “Ireland and the Crimean War 1854-6,” History Ireland 11 (2003), 34-38.

Admin November 18, 2020 0

Social Awareness

நமது சமூக வாழ்வை மறுபரிசீலனை செய்யும் நேரம் இது.

1857 க்கு முன்பாக இந்தியா முழுவதும் வியாபித்திருந்த அரபு மதரஸாக்களின் பாடத்திட்டத்தில் வேளாண்மை, உணவு, மருத்துவம் இவை கட்டாயப் பாடமாக இணைக்கப்பட்டிருந்தது. 10 ஆண்டுகள் கல்வி காலம் முழுமையாக முடித்த பட்டதாரிகளான ஆலிம்கள் அனைவரும் மார்க்க சட்டங்களை சொல்வதற்கு மட்டுமல்ல மருத்துவம் பார்ப்பதற்கும் அரசின் அங்கீகாரம் பெற்றவர்களாக வெளிவந்தனர்.

இந்தியா முழுவதும் உள்ள பள்ளிவாசல்களில் பணிநியமனம் பெற்ற ஆலிம்கள் தங்களது சொற்பொழிவுகளில் உடல்நலத்தின் அவசியத்தையும் நோய்எதிர்ப்புத் திறனின் முக்கியத்தையும் அறிவியல் பூர்வமாக மக்களுக்கு பயிற்றுவித்தனர். காலை மாலை நேரங்களில் சாதிமத வேறுபாடு இல்லாமல் யுனானி மருத்துவத்தின் ஏறக்குறைய 20 வகையான சிகிச்சை முறைகளை (Therapies) கொண்டு மக்களில் தேவையுடையோருக்கு பள்ளி வளாகத்திலேயே சிகிச்சை அளித்தனர்.

இறைவனின் விருப்பத்திற்குரிய பிரதிநிதியான மனிதனுக்கும் அவனுக்குத் துணையாக சிலபோது உணவாக படைக்கப்பட்டுள்ள கால்நடைகளுக்கும் மருத்துவ சிகிச்சை அளிப்பதை எல்லாம் வல்ல இறைவனுக்கு செய்யும் வணக்கங்களில் ஒன்றாக ஆலிம்கள் கருதினர். அன்றாட வழிபாடுகளோடு இந்த வணக்கத்தை நிறைவேற்றுவதும் மஹல்லா ஜமாத்தின் முக்கிய பொறுப்புகளில் ஒன்றாக அது முஸ்லிம்களின் அழகிய வாழ்வியலோடு ஒன்றுகலந்திருந்தது.

ஊர்மக்களில் யாருக்காவது உடல்நல கோளாறு ஏற்பட்டால் பள்ளிவாசலுக்குத் தான் முதலில் வருவார்கள். பலநூறு ஆண்டுகளாக தொடரும் இந்த வழக்கத்தின் மிச்சசொச்சம் தான் இன்றும் காலை மாலை வேலைகளில் மக்கள் பள்ளிவாசலுக்கு வரும் காட்சிகள்.

நமது அறியாமையால் முயற்சியின்மையால் விட்டுப்போன இந்த உயர்வான கலாச்சாரத்தை மெல்ல மெல்ல மீட்டெடுக்கும் வேலைகளை நாம் துவங்க வேண்டும்.

இடவசதிமிக்க மஹல்லா பள்ளிவாசலில் ஒரு சித்தா அல்லது யுனானி இலவச சிகிச்சை மையத்தை மிகச்சிறிய அளவில் துவங்கினால் போதும். அதுதான் மறுமலர்ச்சிக்கான முதல் வெளிச்சம். சில ஆண்டுகளில் அதை ஆண்கள் அல்லது பெண்கள் அரபு மதரஸாவோடு இணைந்த ஒரு ஆயுஷ் மருத்துவக்கல்லூரியாக உருவாக்கிட வேண்டும் என்ற தொலைநோக்கு சமூக இலக்கில் உறுதியாக இருக்க வேண்டும்.

விமர்சனங்களை தாங்கிக் கொள்ளும் விசாலமனதுடைய ஒருசிலரால் மட்டுமே இந்த பூமியில் வரலாற்றுச் சாதனைகள் நிகழ்த்தப்படுகின்றன. இறைபொருத்தத்திற்காக மட்டுமே என்ற உயர்ந்த மனதுடைய ஒன்றிரண்டு தனவந்தர்கள் முன்வந்தால் போதும் அது தமிழக முஸ்லிம்களுக்கு மகத்தான முன்மாதிரியாக மாறிவிடும். பொதுமக்களின் உடல்நலம் பாதுகாக்கப்பட்டு சொத்துக்கள் பறிபோகமால் காப்பாற்ற முடியும்.

மனிதசமூகத்தில் அறிவு வளர்ச்சியும் அறிவியல் முன்னேற்றங்களும் ஆட்சி மாற்றங்களும் எதார்த்தமானவை. அவை மாறிக்கொண்டே இருக்கும். அந்த மாற்றங்களை தங்களின் கலாச்சார தனித்தன்மைக்கு ஏற்ப உள்வாங்கி நம்மை மேம்படுத்திக் கொண்டே இருப்பது தான் பின்தொடருதல் (Followers) என்ற நிலையிலிருந்து முன்னிலை வகித்தல் (Leaders) என்ற இஸ்லாமிய இயல்புநிலைக்கு உம்மத்தை மாற்றும்.

இப்போது நெருக்கடியான காலமாக மாறிவிட்டது, நீண்டகால திட்டங்களுக்கு அவகாசம் இல்லை என்ற கருத்தை அதிகமாக உபயோகிப்பதற்கு முஸ்லிம்களுக்கு அனுமதியில்லை.

நாளையே பூமி அழிந்துவிடும் என்று தெரிந்தாலும் நம்பிக்கையோடு இன்று ஒரு மரத்தை நடுங்கள் என்பது அகலத்தின் அருட்கொடையான எம்பெருமானார் (ஸல்) அவர்களின் சத்திய செய்தி.

செவிமெடுத்தோம் கட்டுப்பட்டோம்.அதுதான் நமது வேலை.

Admin November 18, 2020 0

Social Awareness

சிட்டுக் குருவிகளை கொண்டு படைத்தவன் பாடம் நடத்துகிறான்.

17 ஆம் நூற்றாண்டு துவங்கி கடந்த 400 ஆண்டுகளாக கோடிக்கணக்கான மலேரியா நோயாளிகளை காப்பாற்றிய குயினின் (quinine) என்ற மருந்து சின்கோனா என்ற மரத்தின் பட்டையிலிருந்து எடுக்கப்பட்டது.

குயினின் மருந்தின் இரசாயன வடிவம் தான் இன்றைய உலக நாடுகள் Covid – 19 வைரஸை எதிர்கொள்வதற்கு அதிவேகமாக உற்பத்தி செய்யும் ஹைட்ராக்ஸிகுளோரோகுயின் (Hydroxychloroquine) என்ற மருந்து. 1970 இல் தான் இதை முழு இரசாயன மருந்தாக மாற்றி உருவாக்கினார்கள்.

1860 இல் நீலகிரி மாவட்டத்தில் மலேரியா நோய் வேகமாகப் பரவியது. இதனால் ஏராளமானோர் உயிரிழக்கவும் செய்தனர். சின்கோனா மரப் பட்டையிலிருந்து தயாரிக்கப்படும் குயினின் மருந்து, மலேரியா நோயைக் கட்டுப்படுத்தும் ஆற்றல் கொண்டது என்பதை அறிந்த ஆங்கிலேயர்கள், தென்னமெரிக்காவின் ஆண்டிஸ் மலைத்தொடரில் விளைந்த சின்கோனா என்ற தாவரத்தை தமிழகத்தின் ஊட்டியில் உற்பத்தி செய்ய முடிவு செய்தனர்.

1864 இல் மலேரியா காய்ச்சல் உலகையே சூறையாடிய காலனி ஆதிக்க காலத்திலும், இரண்டு உலகப்போர் காலத்திலும் ஐரோப்பிய நாடுகளுக்கு இடையே இந்த சின்கோனா மரச்செடிகளுக்காக கடும் சண்டைகள் நடைபெற்றுள்ளன.

மலேரியா வைரஸை எதிர்க்கும் குயினின் என்ற இந்த மருந்து சின்கோனா மரத்தில் மட்டுமல்லாது இன்னும் ஏராளமான மரங்களில் செடிகளில் அந்தந்த நாடுகளுக்கேற்ப மக்களின் தேவைகளுக்கேற்ப யாரும் பயிரிடாமலேயே முளைத்திருக்கும் என்பது இறைவனின் ஏற்பாடு. எல்லா இயற்கை ஆர்வலர்களின் கருத்தும் அது தான்.

மாமேதை இமாம் ஷாஃபிஈ (ரஹ்) அவர்கள் ; மரங்களில் காய்களில் பட்டைகளில் வேர்களில் மனிதனுக்கு ஏற்படும் பல நோய்முடிச்சுகளை அவிழ்க்கும் ரகசியத்தை அல்லாஹ் மறைத்து வைத்துள்ளான் அதை ஆய்ந்தறிவது இஸ்லாமிய கல்வியில் மூன்றில் ஒரு பாகம் என்று கூறினார்கள்.

ஆய்வுகளின் மூலம் மட்டுமே இவற்றை மனிதர்களால் அறிந்துகொள்ள முடியும். ஆனால் பறவைகளுக்கும் விலங்குகளுக்கும் படைக்கும் போதே அல்லாஹ் கற்றுக் கொடுத்துள்ளான்.

1998 இல் கல்கத்தாவில் மலேரியா காய்ச்சல் கடுமையாக பரவியது. பறவையியல் ஆய்வாளர் முனைவர் சுஷிம் சென்குப்தாவும் அவரது குழுவினரும் சிட்டுக்குருவிகளை ஆய்வு செய்தனர்.

பொதுவாக வேப்ப மர குச்சிகளில் கூடு கட்டும் சிட்டுக் குருவிகள் கல்கத்தாவில் மலேரியா காய்ச்சல் பரவிய காலத்தில் அவை Paradise Flower Tree (Caesalpina Pulcherrima) (செம்மயிற்கொன்றை) என்ற மரத்தின் நரம்புகளை வைத்து கூடு கட்டுவதையும் அதன் இலைகளை உண்டு மலேரியா தாக்குதலிலிருந்து தங்களை காத்துக் கொண்டதையும் கண்டறிந்தார்.

மேற்கண்ட தகவல்கள் மூலம் நாம் புரிந்து கொள்ள வேண்டிய செய்திகள் என்னவென்றால் இன்றைக்கு நமது கல்விமுறையில் ஏற்பட்ட கோளாறு காரணமாக பிள்ளைகள் உயிரியல் பாடத்தை எதற்காக ஏன் படிக்க வேண்டும் என்ற புரிதல் இல்லாமலேயே படிக்கின்றனர்.

சிட்டுக் குருவிகளுக்கு மலேரியா மருந்தை கற்றுக்கொடுத்தது யார்…..? மனிதர்களுக்கு நெருக்கமாக வாழும் பறவையாக சிட்டுக் குருவிகளை ஏன் படைத்துள்ளான்….?

இந்த பூமியில் நம்மோடு வாழும் சக உயிரினங்களில் நமக்கான பாடங்களும் வழிகாட்டுதலும் என்ன இருக்கிறது என்பதை இறைவனது கருத்தில் நின்று புரிந்து கொள்ளும் மத்திய காலத்து உயிரியலாளர்கள் மற்றும் மருத்துவர்களின் வழக்கம் நம்மிடம் இன்று அறவே இல்லாமல் போய்விட்டது.

————————————–

Source :

https://medium.com/…/the-global-history-of-the-world-s…

https://malariajournal.biomedcentral.com/…/1475-2875-10…

https://www.newscientist.com/…/mg15721154-300-in-brief…/

The Hidden Powers of Animals: Uncovering the Secrets of Nature – Dr. Karl P. N. Shuker.

Admin November 18, 2020 0

Uncategorized

அச்சமும் அழுகையும் தீர்வை தராது.

அரசமைப்பு சட்டத்தை வடிவமைப்பு செய்த அரசியல் சாசன அவையில் (Constituent Assembly) இடம் பெற்றிருந்த ஒவ்வொருவருக்கும் ஒரு மறைமுகத் திட்டம் (Hidden Agenda) இருந்தது.

ஆனால் இந்தியாவின் அடையாளம் மதச்சார்பின்மையும் சமஉரிமையுமாக இருத்தல் வேண்டும் என்ற உயர்வான பிடிவாதத்தில் காந்தி நேரு அம்பேத்கர் ஆசாத் போன்ற தேசியத் தலைவர்கள் உறுதியாக இருந்த காரணத்தால் சாசன அவையில் இருந்த அனைவரும் தங்களது மறைமுக திட்டங்களில் சிலவற்றை மட்டும் விட்டுக்கொடுக்க வேண்டிய நிலை ஏற்பட்டது.

உலக ஜனநாயக அமைப்பில் உயர்வான அரசமைப்பு சட்டம் நடைமுறையில் உள்ள நம் நாட்டில் மதத்தை சாதியை கலாச்சாரத்தை காரணம் காட்டி ஒரு சமூகம் ஒதுக்கப்படுகிறது என்றல் அது ஒதுக்க முயற்சிப்பவர்களின் குற்றமல்ல.

ஆட்சி அமைக்கும் உரிமைகளும் உயர் அதிகாரத்தை பெறுவதற்கான வாய்ப்புகளும் குடிமக்கள் அனைவருக்கும் பொதுவானது என்பது அரசமைப்பு சட்டத்தின் மூலவிதி.

வெறுப்பு பிரச்சாரம் உருவாக்கிய பொதுப் புத்தியிலான கருத்துக்களை அரசு அதிகாரிகளும் ஊடகங்களும் கட்டுப்பாடின்றி வெளியிடுகின்றனர் என்றால்…

அவர்கள் அமர்ந்திருக்குக்கும் அதிகாரமிக்க இடங்களுக்கு நமது பிள்ளைகளை உருவாக்குவதும் நம்மோடு சேர்த்து மதச்சார்பின்மை மீது நம்பிக்கையுள்ள பிள்ளைகளை உருவாக்குவதும் தான் முடிவான தீர்வாக அமையும்.

முடிவான தீர்வை நோக்கி முன்னேறாமல் அதற்கான அதிகப்படியான தியாகங்களை செய்யாமல் அழுது புலம்புவது மட்டுமே தொடருமானால்…. ஆபத்தான காரியங்களை அலட்சியமாக கருதினார்கள் என்ற வரலாற்றுப் பழியை நம் பிள்ளைகள் நம்மீது சுமத்துவார்கள்.

Admin November 18, 2020 0

Social Awareness

இயல்புகளில் மாற்றம் ஏற்பட்டால் மட்டுமே எதிர்நீச்சல் போட முடியும்

செல்வம் பெருக்குதலில் (Wealth Development) மிக உறுதியான முன்னெடுப்புகள் (Aggressive Policy) முஸ்லிம்களின் இயல்பாக மாற வேண்டும்.

குடும்பத்தை நடத்த ஹலாலான வருமானம் தரும் தொழில் அமைந்து விட்டால் தான்உண்டு தனது தொழில்உண்டு என்று இருந்து விடுவது,வணக்க வழிபாடுகளை நிறைவேற்றிக் கொண்டு மறுமை வாழ்விற்கு தயாராகுதல் என்ற இந்த தற்காப்பு அணுகுமுறை (Defensive Approach) அதிகமானவர்களிடம் இருப்பதை காணமுடிகிறது.

புதிது புதிதாக உருவாகும் தொழில்நுட்பங்கள், அவை மக்களிடம் ஏற்படுத்தும் மாற்றங்கள்,பண மதிப்பில் ஏற்படும் ஏற்ற இறக்கங்கள், வரிவிதிப்புகள், வர்த்தக சட்டங்கள் போன்ற சமூக சட்ட நெருக்கடிகள் இந்த தற்காப்பு சிந்தனையை எளிதாக வீழ்த்தி விடுகிறது.

நமது கண்ணுக்கு முன்பாக பல அற்புதமான தொழில்கள் பின்னடைவை சந்தித்ததற்கு இந்த தற்காப்பு அணுகுமுறை ஒரு காரணமாக இருக்கிறது.

தென்னிந்திய,இலங்கை முஸ்லிம்கள் பல நூற்றாண்டுகள் கோலோச்சியிருந்த சர்வதேச கடல் வணிகம் ஐந்தாயிரம் மைல் தொலைவிலிருந்து வந்த ஐரோப்பிய படையெடுப்பாளர்களிடம் அடங்கி ஒடுங்கி போனதும் இதனால் தான்.

பெரும் முயற்சிகள் மேற்கொள்ளாமல் வாழ்வியல் நெருக்கடிகளை சந்திக்காமல் வாழ்க்கையை எளிதாக இலகுவாக ஓட்டிவிடலாம் என்ற இந்த கருத்து முஸ்லிம்களுக்கு ஏற்புடையது அல்ல.

இந்தியாவில் முஸ்லிம்களை குறிவைத்து தொடர்ச்சியாக உண்டாக்கப்படும் சமூக அரசியல் நெருக்கடிகள் காரணமாக நமது தொழில் மற்றும் வேலைகளில் செலுத்த வேண்டிய நேரத்தையும் பொருளையும் நெருக்கடிகளை எதிர்கொள்வதற்கே செலவிட வேண்டிய அவல நிலையில் உள்ளோம் என்பதையும் இங்கு நாம் கவனத்தில் கொள்ள வேண்டும்.

வணிகத்தில் கூர்மையான திட்டங்களோடு பெரும் முயற்சிகளை மேற்கொள்ளும் சமூகமாக நாம் உருவெடுக்க வேண்டும்.

உலகளாவிய வணிக வளர்ச்சியை உள்வாங்கி ஷரீஅத்தின் எல்லைக்குட்பட்டு புத்தம் புதிய வணிக சிந்தனைகளை காது கொடுத்து கேட்கும் வழக்கம் முஸ்லிம்களின் இயல்பாக மாற வேண்டும். இளம் சிந்தனைகள் தான் கால மாற்றத்திலும் நம்மை காலூன்றி நிற்க செய்யும்.

இன்றைய இளைஞர்களிடம் பிரபலம் அடைந்துள்ள TEDx TALKS போல புதிய சிந்தனைகளை பரிமாறிக் கொள்வதற்கான ஒரு அறிவுத்தளம் முக்கியமான மஹல்லாக்களில் அமைக்கப்பட வேண்டும்.

இது குறித்து இன்னும் பேசுவோம்…..

– CMN SALEEM

Admin November 18, 2020 0

Business Awareness

உம்மத்தில் பொருளாதார மீட்புப் பணிகளை திட்டமிட வேண்டும்

ஊரடங்கு விரைவாக முடிந்துவிடும் என்றாலும் அதன் பாதிப்புகள் அளவிட முடியாத அளவிற்கு அதிகமாக இருக்கும் என்பது மிக முக்கியமானது.

அதிக எண்ணிக்கையிலான நடுத்தர மக்கள் ஏழ்மைக்கு தள்ளப்படுவார்கள். கணிசமான அளவு ஏழை மக்கள் தினக்கூலிகள் வறுமைக்குள் தள்ளப்படுவார்கள்.வியாபாரம் மற்றும் சிறிய அளவில் தொழில் செய்வோரில் பெருவாரியானவர்கள் வட்டியில் விழும் சூழல் உருவாகி வருகிறது. அடுத்து ஒரு பொருளாதார சுனாமி வந்து கொண்டிருக்கிறது.

தமிழகத்தை பஞ்சமும் கொள்ளை நோய்களும் பீடித்த காலத்தில் கூட உழைப்பும் வியாபாரமும் தடை செய்யப்படவில்லை என்பதை வரலாற்றில் படிக்கின்றோம்.

இன்றைய ஆபத்தை சமூக ஆர்வலர்கள் சரியாக கணித்து உணர்ந்து கொள்ள வேண்டும். அரசின் முயற்சிகளோடு சமூக அக்கறையுள்ளவர்கள் முயற்சி எடுத்தால் மட்டுமே பலரின் வாழ்வு மீட்கப்படும் என்பதை நாம் நினைவில் கொள்ள வேண்டும்.

மகத்தான மாற்றத்திற்கு முன்பு ஏற்படும் ஒரு பின்னடைவாகத்தான் இதை கருத வேண்டும்.

பொருளாதார இழப்புகளை சந்தித்தவர்களுக்கு உளவியல் (ஆன்மிக) ரீதியான பயிற்சியும் மீண்டு எழுவதற்கான வழிகாட்டுதலும் கூடவே பொருளாதார உதவிகளையும் அந்தந்தப் பகுதியின் ஜமாத்தார்கள் சமூக ஆர்வலர்கள் ஒருங்கிணைத்துத் தர வேண்டும்..

இது ஒரு அசாதாரண காரியம்.. ஆனால் செய்துதான் ஆக வேண்டும்.

உம்மத்திற்கான மார்க்க வழிகாட்டுதலோடு நெருக்கடி கால உலகத் தேவைகளையும் ஜமாத் நிர்வாகத்தால் பூர்த்தி செய்யப்பட்டால் மட்டும் தான் மக்கள் பளளிவாசல் நிர்வாகத்தை சார்ந்து வாழ விரும்புவார்கள்.

சோதனையான இந்த காலத்தை கடப்பதில் குடும்பத்து பெண்களின் பங்கு மிக முக்கியமானது. இழந்ததை மீட்டெடுக்கும் முயற்சியில் ஈடுபடும் ஆண்களோடு பெண்கள் பொறுமையுடனும் அனுசரணையோடும் கைகோர்த்து நடந்தால் குறுகிய காலத்தில் மறுமலர்ச்சி ஏற்படும்.

உழைத்து களைத்து, இன்றைய சூழ்நிலையால் இழப்புகளை சந்தித்து நிற்கும் ஆணுக்கு அவனது மனைவி ஆதரவான வார்த்தைகளால் நம்பிக்கை யூட்டினால் அவன் பெறப்போகும் அனைத்து வெற்றிகளுக்கும் அதான் அடித்தளமாக அமையும்.

இது குறித்து இன்னும் பேசுவோம்….

Admin November 18, 2020 0

Business Awareness

அதிகம் சம்பாதிக்கும் வழியை கண்டறிவோம்.

இன்ஷா அல்லாஹ்…..இன்னும் சில நாட்களில் இந்த கொரோனா கலவரம் முடிவுக்கு வர இருக்கிறது. இயல்பு நிலையை எதிர்நோக்கி காத்திருக்கும் நாம் அடுத்து செய்ய வேண்டிய காரியங்களை திட்டமிடுவது பொருத்தமாக இருக்கும்.

மார்க்கம் அனுமதித்த வகையிலான பொருளீட்டும் முறைமை ஒரு மனிதனுக்கு ஒரு சமூகத்திற்கு கண்ணுக்குத் தெரிந்த தெரியாத அதிகாரங்களை பல வடிவங்களில் கொண்டு வந்து குவிக்கும்.

முதலாளித்துவ சமூக அரசியல் அமைப்பில் இந்த காகிதப் பணம் இன்றைய உலகின் வலிமையான ஆயுதமாக பயன் படுத்தப்படுகிறது.

அதனால் தான் பணத்தை வைத்து விளையாடும் உள்ளூர் வட்டிக்கடைகள் துவங்கி உலக வங்கிகள், நிதிநிறுவனங்கள், பங்கு வர்த்தகங்கள், அதிகமான பணத்தை வைத்திருக்கும் நாடுகள் இவை அனைத்தும் உலகின் அதிகார மய்யங்களாக இருக்கின்றன.

அபரிமிதமான இந்த பண வலிமைக்கு முன்னால் இடைநிலை மற்றும் ஏழை நாடுகள் அடங்கி ஒடுங்கி நிற்க வேண்டிய அவல நிலை உண்டாகியுள்ளது. இவையெல்லாம் கடந்த ஒரு நூற்றாண்டில் ஏற்பட்ட சீரழிவுகள்.

சரி விசயத்திற்கு வருவோம்.

அதிகப்படியான பணத்தை அனுமதிக்கப்பட்ட வழியில் சம்பாதிப்பதற்கு உம்மத்தின் ஆண் பெண் உள்ளிட்ட இளைய தலைமுறையை தயார் படுத்துவது தான் நெருக்கடியான இன்றைய காலத்தின் அடிப்படையான பணியாக இருக்க வேண்டும்.

இனிவரும் காலங்களில் வளைகுடா நாடுகள் பட்டதாரிகளுக்கு வேலை வாய்ப்புகளை வழங்காது. அதை மறந்து விடுங்கள். ஆனால் தொழில் வாய்ப்புகள் பெருகலாம்.

நீங்கள் ஏற்றுக்கொண்டாலும் ஏற்றுக்கொள்ளா விட்டாலும் வணிகம் தான் இந்த உம்மத்தை உயர்த்தும் என்பதை நினைவில் கொள்ளுங்கள்.

வரலாறு முழுவதும் நமக்கு வாழ்வு அளித்திருப்பதும் சமூக அதிகாரத்தை பெற்றுத் தந்ததும் வணிகம் தான்.

வணிகப் பாரம்பரியத்தை மீட்டெடுப்பதின் மூலம் மட்டுமே பொருளாதார நிலைத்தன்மையை அடைய முடியும்.

இன்ஷா அல்லாஹ்….இது குறித்து மேலும் பார்ப்போம்.

Admin November 18, 2020 0

நமது சிந்தனைக்குத் தீனி யாரிடமிருந்து வருகிறது.

வரலாறு முக்கியம் மக்கா…

தயவு கூர்ந்து பிள்ளைகளுக்கு பாடப்புத்தகங்களை நடத்தாதீர்.

மகாராணியாக இருந்தாலும் நாங்கள் உதவுவதை தடுக்க இயலாது…

நமது சமூக வாழ்வை மறுபரிசீலனை செய்யும் நேரம் இது.

சிட்டுக் குருவிகளை கொண்டு படைத்தவன் பாடம் நடத்துகிறான்.

அச்சமும் அழுகையும் தீர்வை தராது.

இயல்புகளில் மாற்றம் ஏற்பட்டால் மட்டுமே எதிர்நீச்சல் போட முடியும்

உம்மத்தில் பொருளாதார மீட்புப் பணிகளை திட்டமிட வேண்டும்

அதிகம் சம்பாதிக்கும் வழியை கண்டறிவோம்.

Tamilnadu Muslim Kalvi Iyakkam

QUICK ACCESS

About Us

Articles

Gallery

Events

career counselling

Map